კონგოს დემოკრატიულ რესპუბლიკაში იტალიის ელჩი მოკლეს.მედიაში გავრცელებული ინფორმაციით, შემთხვევა გაეროს კოლონაზე თავდასხმის დროს მოხდა.
როგორც ცნობილია, ისინი შეიარაღებული ესკორტის გარეშე , რუტშურუში, WFP- ის სკოლის სასურსათო პროგრამის მოსანახულებლად მიდიოდნენ, რა დროსაც თავდასხმა მოხდა.
ჩრდილოეთ კივუს გუბერნატორმა კარლი ნზანზუ კასივიტამ თქვა, რომ ისინი დაახლოებით 6-მა თავდამსხმელმა შეაჩერა. გაისმა გამაფრთხილებელი გასროლა.
“როდესაც ვირუნგას ეროვნული პარკის რეინჯერთა პატრული ჩაერია და ოთხი ადამიანის გათავისუფლება მოახერხა. თავდამსხმელები გაიქცნენ, ესროლეს ელჩს და მის მცველს, მოკლეს კონგოელი მძღოლი თავდასხმის დაწყებისთანავე, ”- განუცხადა გუბერნატორმა BBC -ის.
WFP– ს განცხადებაში ნათქვამია, რომ ის ითანამშრომლებს კონგოს ხელისუფლებასთან გამოძიების საკითხში.
43 წლის ატანასიო 2017 წლიდან იყო კინშასაში იტალიის მისიის ხელმძღვანელი და 2019 წელს დაინიშნა ელჩად.
იგი ადრე მსახურობდა შვეიცარიაში, მაროკოსა და ნიგერიაში.
