“სიგარეტი და პური წაიღეს“ – ოზურგეთში ქურდობის ფაქტი გახსნილია

ოზურგეთის მუნიციპალიტეტის ე.წ. “პატარა ავტოსადგურის ტერიტორიაზე არსებული ერთ-ერთი მაღაზია გაძარცვეს.

როგორც გვატყობინებენ, მძარცველებმა მაღაზიის შუშა ჩაამსხვრიეს. წაღებულია 4 კოლოფი სიგარეტი და 2 ცალი პური.

ძარცვაში, სავარაუდოდ, 4 პირი მონაწილეობდა, რაც სათვალთვალო კამერამ დააფიქსირა.

ძარცვა კომენდანტის საათის დროს, დაახლოებით, 4-5 საათისთვის მოხდა.

“გურია ნიუსი” მომხდარის დეტალების შესახებ ინფორმაციისთვის შსს-ს დაუკავშირდა.

შინაგან საქმეთა სამინისტრის პრესსამსახურის მიერ მოწოდებული ინფორმაციით, მომხდარი ქურდობის ფაქტი გახსნილია ცხელ კვალზე.

“მხილებული არიან სავარაუდო დამნაშავეები. მიმდინაროებს საგამოძიებო მოქმედებები”, _ გვითხრეს შსს-ში.