იგი საქართველოს გარემოს დაცვის და სოფლის მეურნეობის სამინისტროს წარმომადგენელმა, ნინო თხილავამ და კავკასიის რეგიონული გარემოს დაცვითი ცენტრის დირექტორმა, სოფიკო ახობაძემ გახსნეს.
ტრენინგზე ყურადღება გამახვილებული იყო კლიმატის ცვლილების სფეროში, საქართველოს ნაკისრი ვალდებულების შესრულების აუცილებლობაზე, კლიმატის ცვლილებასთან ბრძოლაში ერთობლივი მოქმედების საჭიროებაზე და ამ პროცესში მედიის უდიდეს მნიშვნელობაზე!
ტრენინგში, რეგიონულ და რესპუბლიკურ მედიასაშუალებებთან ერთად, „გურია ნიუსიც“ მონაწილეობდა. ჟურნალისტები გაეცნენ „კლიმატის ცვლილების პოლიტიკის მიმოხილვას , რიოს კონფერენციიდან პარიზის შეთანხმებამდე“. ისაუბრეს საქართველოში კლიმატის ცვლილების პოლიტიკის ფორმირების პროცესზე, ეროვნულ დონეზე განსაზღვრული წვლილის, კლიმატის ცვლილების რისკებს, გენდერისა და კლიმატის ცვლილებაზე.
ჟურნალისტებს პრეზენტაციები წარუდგინეს და ერთობლივად იმსჯელეს კლიმატის ცვლილების საკითხების გაშუქების საერთაშორისო გამოცდილებასა და და მსოფლიო მედიაში აღნიშნული თემისადმი არსებულ მიდგომებზე. ასევე იმსჯელეს , რაოდენ ეფექტურია საქართველოში კლიმატის ცვლილების თემა მედიაში და დასახეს სამომავლო თანამშრომლ ობის პერსპექტივები.
ტრენინგის მონაწილე ჟურნალისტებმა შეასრულეს არაერთი სავარჯიშო, რასაც კარგად გაართვეს თავი. ასევე მოამზადეს სავარაუდო საინტერესო გადაცემების ლაკონური მონახაზები, სადაც მითითებული იყო, როგორ წარმოუდგენიათ კლიმატის ცვლილებასთან დაკავშირებული თემების კლიმატგონივრული მართვა.
„ვმართოთ ერთად“ _ გამოკვეთილად ითქვა ტრენინგზე!
შეხვედრა გაიმართა გლობალური გარემოს დაცვითი ფონდის და გაეროს გარემოსდაცვითი პროგრამის მხარდაჭერით და კავკასიის გარემოსდაცვითი ცენტრის ორგანიზებით. პროექტის კოორდინატორი კი არის გარემოს დაცვის და სოფლის მეურნეობის სამინისტრო.
ავტორი: მარინა ჩიხლაძე
