დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის მეუღლე, ბიოლოგიურ მეცნიერებათა აკადემიური დოქტორი, ხათუნა გოგელია გამოდის მოწოდებით, პანდემიის პერიოდში, ნებისმიერი რანგისა და სპეციალიზაციის ექიმს აეკრძალოს “ფეისბუქ-პოსტები”, ინტერვიუები პოპულარულ გამოცემებსა თუ ტელევიზიებში.
“მაქვს მოთხოვნა:
პანდემიის განმავლობაში,
ნებისმიერი რანგისა და სპეციალიზაციის ექიმს აეკრძალოს ფბ პოსტები, ინტერვიუები პოპულარულ გამოცემებსა და ტელევიზიებში. მოსახლეობისთვის
ოფიციალურ პოზიციას აცხადებდეს დიქტორი და მორჩა, წერტილი.
P.s ყველამ თავის უზნეო ნარცისიზმი თეთრ ხალათში გაკვანძეთ!”, – წერს ხათუნა გოგელია.
მის ამ პოსტს არაერთგვაროვანი გამოხმაურება მოყვა.
“ძალიან უცნაური მოთხოვნაა,ხათუნა.მიკვირს თქვენგან.როცა ინფორმაციის ზღვა მასალაა მსოფლიოში,დამალული არაფერია,ამ სივრცეში უცბად კომპეტენტურ ექიმებს აეკრძალოთ საუბარი,ამის უფლება არავის აქვს”.
“მე ექიმი ვარ და გეთანხმებით ! მიკვირს , ყველა რატომ ფუსფუსებს და იძლევა რჩევებს. უნდა არსებობდეს რეგულაცია და ზღაპრების მთხრობელებს და პოპულისტებს არ უნდა ვუკრავდეთ ტაშს!”
“რა კარგად ნათქვამია! დავიღალეთ უკვე, ამათი კინკლაობა და ურთიერთგამორიცხავი აზრების ფრქვევა აზიანებს საერთო საქმეს”,- წერენ კომენტარებში.
წყარო: fortuna.ge
