NATO-ს წევრი ქვეყნების ლიდერებმა, მადრიდში გამართული სამიტის ბოლოს, დეკლარაცია მიიღეს, რომელშიც საქართველოზეც არის საუბარი.
განცხადებაში ნათქვამია, რომ ალიანსი გმობს რუსეთის აგრესიულ ომს უკრაინაში და აღნიშნავს, რომ მუშაობენ საერთაშორისო თანამეგობრობის დაინტერესებულ მხარეებთან, რათა პასუხისგებაში მიეცეს ყველა, ვინც ომის დანაშაულების მონაწილეა. გარდა ამისა, დეკლარაციაში წერია, რომ NATO მხარდაჭერას უცხადებს უკრაინის ხალხსა და მთავრობას. განცხადებაში აღნიშნულია, რომ ალიანსი უკრაინას კონკრეტული მდგომარეობის გათვალისწინებით შესაბამისად დაეხმარება.
დეკლარაციაში ასევე წერია, რომ NATO გააგრძელებს, გააძლიეროს პოლიტიკური და პრაქტიკული მხარდაჭერა უკრაინის მიმართ.
დეკლარაციაში საუბარი შეეხო საქართველოსაც. განცხადებაში წერია, რომ ალიანსმა გადაწყვიტა გააძლიეროს მხარდაჭერა პარტნიორების მიმართ, მათ შორის ბოსნია-ჰერცეგოვინა, საქართველოსა და მოლდოვას მიმართ:
“ევროპაში უსაფრთხოების გარემოს შეცვლის შემედეგ, გადავწვიტეთ მივიღოთ ახალი ზომები ჩვენი პარტნიორების, მათ შორის, საქართველოს, ბოსნია-ჰერცოგოვინასა და მოლდოვის რესპუბლიკის სპეციალიზებული პოლიტიკური და პრაქტიკული მხარდაჭერის გასაძლიერებლად. ჩვენ ვიმუშავებთ მათთან მათი ერთიანობისა და მდგრადობის გასაძლიერებლად, შესაძლებლობების განვითარებისთვის და მათი პოლიტიკური დამოუკიდებლობის დასაცავად. ჩვენ ასევე გავაძლიერებთ ჩვენი სამრეთის პარტნიორების შესაძლებლობების განვითარების მხარდაჭერას”. – წერია დეკლარაციაში.
გარდა ამისა, დეკლარაციაში აღნიშნულია, რომ სამიტის მონაწილეებს ჰქონდათ შეხვედრები და აზრთა გაცვლები ავსტრალიის, ფინეთის, საქართველოს, იაპონიის, კორეის რესპუბლიკის, ახალი ზელანდიის, შვედეთის, უკრაინის სახელმწიფოს და მთავრობის მეთაურებთან და ასევე, ევროპული საბჭოსა და ევროკომისიის პრეზიდენტებთან.
ამასთან, სამიტზე მიიღეს NATO-ს 2022 წლის სტრატეგიული კონცეფცია, რომელში ხაზგასმულია, რომ ადასტურებენ 2008 წლის ბუქარესტის სამიტის და ყველა შემდგომ მიღებულ გადაწყვეტილებას საქართველოსა და უკრაინის მიმართ.
ავტორი
