18 აგვისტოს საქართველოს ეროვნული გმირის, გიორგი ანწუხელიძის დაბადების დღეა. მას 38 წელი შეუსრულდებოდა.
ცნობისთვის, ანწუხელიძე ახმეტის რაიონის სოფელ ქვემო ალვანში დაიბადა. ანწუხელიძე 2008 წლის ომში რუსებს ტყვედ ჩაუვარდა, ის სასტიკი წამების შემდეგ ცემით მოკლეს.
ანწუხელიძეს ეროვნული გმირის წოდება 2013 წლის 15 აპრილს მიენიჭა. ის, ასევე დაჯილდოებულია, სიკვდილის შემდეგ, ვახტანგ გორგასლის I ხარისხის ორდენით და საქართველოს თავდაცვის სამინისტროს უწყებრივი მედლით “სამშობლოსათვის თავდადებული”. ანწუხელიძის სახელს ატარებს სერჟანტთა აკადემია.
