15 მაისს, ოზურგეთში, მ. ბერძენიშვილს სახელობის თანამედროვე სახვითი ხელოვნების ცენტრში, გურიის რეგიონის მხატვართა საშემოდგომო და რეგიონული გამოფენა გაიხსნა.
_ასეთი საშემოდგომო და რეგიონული გამოფენა ყოველ წელს ტარდება. ახლა საგაზაფხულო გამოფენაა. მასში მონაწილეობას იღებს სამივე მუნიციპალიტეტის მხატვრები. დღეს ლანჩხუთი არ არის წარმოდგენილი. მხოლოდ ჩოხატაურელი და ოზურგეთელი მხატვრების ნამუშევრებია წარმოდგენილი. როგორც ვთქვი ახლა გვაქვს შეთავაზება საგაზაფხულო გამოფენისთვის. თემა არის თავისუფალი _ უდიდეს ყურადღებას ვუთმობთ ახალგაზრდებს. მათ აქვთ დიდი ასპარეზი. ახალგაზრდა მხატვრების ნამუშევრებს მომავალშიც ყოველთვის გამოვფენთ. დღეს არის 25 მხატვარი წარმოდგენილი, 50 ნამუშევრით. უმეტესად ქალი მხატვრების ნამუშევრებია გამოფენილი. უფროსკლასელების, სამხატვრო სკოლის მოსწავლეების, დების ელენე და ანა მუჯირების ნამუშევრები დიდ მოწონებას იმსახურებს. გურიის მხატვართა კავშირის მიერ ორგანიზებულ ამ გამოფენაზე წარმოდგენილია, როგორც ფერწერული, ისე დეკორატიული ნამუშევრები. ფერადი ცარცით და გუაშით შესრულებული,_ თქვა მისასალმებელ სიტყვაში სახვითი ხელოვნების ცენტრის ფონდების განყოფილების გამგემ, ლია ურუშაძემ.
გურიის მხატვართა კავშირის თავმჯდომარემ, თამაზ დარჩიამ ისაუბრა გამოფენის მნიშვნელობასა და როლზე:
_ ახლა , საგაზაფხულო გამოფენის მე-11 სეზონს ვხსნით. მასში 25 მხატვარი მონაწილეობს. ახალგაზრდებს, სამხატვრო სკოლის მოსწავლეებს ვაღებინებთ მონაწილეობას გამოფენაში. მხატვრები თავის თავს ხედავენ თავის შემოქმედებაში , ერთმანეთს უყურებენ და ასე იზრდებიან, ასე ხელოვნდებიან, _ თქვა მან.
სახვითი ხელოვნების ცენტრის დირექტორმა ავთანდილ თავართქილაძემ მადლობა გადაუხადა საზოგადოებას აქტივობისთვის, მხატვართა ნამუშევრების გულისყურით გაცნობისთვის.
გამოფენაზე წარმოდგენილი იყო მხატვრების: შორენა კიკუტაძის, ლია მოლარიშვილის, ელისაბედ გეგუჩაძის, თამაზ დარჩიას, ვალერი მახარაძის, ზაზა მიქატაძის , ვახტანგ მამეიშვილის, ავთანდილ თავართქილაძის და სხვათა ნამუშევრები.
გამოფენა ოზურგეთის სამხატვრო გალერეაში თვის ბოლომდე გაგრძელდება.
თვის ბოლოს კი, გარდა ამ ჯგუფური გამოფენისა, კიდევ ერთი ახალი პერსონალური გამოფენა მოეწყობა.
ავტორი
