მარინა ჯაფარიძის „სამაია“ _ ბებოს ჩემპიონები

ახლახან  ცნობილ ოზურგეთელ ქალბატონს, მარინა ჯაფარიძეს, რომელსაც აქ ხუმრობით თინეიჯერ-ბებოსაც ეძახიან, უდიდესი სიხარული ეწვია.

მისი სანეტარო  შვილიშვილების „სამაია“ ჩემპიონი გახდა.  11 წლის ანდრია ბაქრაძემ (თბილისის 192-ე საჯარო სკოლა)  პირველი ადგილი მოიპოვა საქართველოს ჩემპიონატზე. A კატეგორია – კიაკუშინ კარატეში.  9 წლის ერეკლე ბაქრაძე  ასევე პირველ ადგილზე გავიდა  B კატეგორიაში და  13 წლის  მარიამ ბაქრაძემ იმავე სახეობაში, მეორე ადგილი მოიპოვა.  (თბილისის „მწვანე სკოლა“).

ანდრიას, ერეკლეს და მარიამს ძალიან უყვართ ოზურგეთი და  ხშირად სტუმრობენ  ბებიას და ბაბუას.

მარინა ჯაფარიძე წლების მანძილზე იყო ოზურგეთის მეორე საჯარო სკოლის დირექტორი, მუნიციპალიტეტის მერიის კულტურის სამსახურის უფროსი, ახლახან კი ოზურგეთში  ტურისტული ობიექტი „გობრონიძეების მარანი“ დააფუძნა.

ქალბატონი მარინა „გურია ნიუსთან“  აქტიურად თანამშრომლობდა, მუდამ იყო ჩვენი ხელმომწერი და გამოირჩეოდა საქმიანი ურთიერთობით.

ვულოცავთ მას  საყვარელი შვილიშვილების ერთდროულ წარმატებას და უთვალავ გამარჯვებებს ვუსურვებთ.