გიორგი კერატიშვილი, სისტემური ინჟინერი.
„მე გახლავართ გიორგი კერატიშვილი _ წამყვანი სისტემური ინჟინერი ერთ-ერთ საერთაშორისო კომპანიაში. ჩემი გამოცდილებიდან ვიტყვი, რომ ჩემი კარიერა მაქვს გატარებული საერთაშორისო კომპანიებთან მუშაობაში და კონკრეტულად _ ევროკავშირის ქვეყნებთან. ინტეგრაციაб რაც დღემდე არსებობდა და ის ბაზარი, რაზეც ჰქონდა საქართველოს მარკეტს წვდომა, ძალიან მნიშვნელოვანია როგორც პროფესიონალური განვითარებისთვის, ასევე, მომავალი ტალანტების განვითარებისთვის, ინდუსტრიის განვითარებისთვის.
ნათელი მაგალითი შემიძლია მოგიყვანოთ; პირადად მე ძალიან ხშირად მიმიღია მონაწილეობა ევროკავშირის დაფინანსებულ პროექტებთან, კონკრეტულად ახლაც ვკითხულობ ერთ-ერთ საგანმანათლებლო კურსს, რომელიც ხდება ევროკავშირის დაფინანსებით და ვიტყვი, რომ ეს ძალიან მნიშვნელოვანია როგორც განვითარებისთვის ასევე, მომავალი ბიზნესს ზრდისთვის, რადგან IT სექტორი ერთ-ერთი ყველაზე წამყვან ინდუსტრიად შეიძლება ჩაითვალოს. საქართველოს, ამ მხრივ, ძალიან დიდი პოტენციალი აქვს, რაც შეიძლება განვითარდეს ეკონომიკურად და მოიზიდოს რეგიონში საუკეთესო ტალანტები.
ვფიქრობ, რომ ევროკავშირთან ინტეგრაცია ძალიან კრიტიკულია ჩვენი, როგორც ფინანსური წინსვლისთვის და ქვეყნის მშპ-სთვის და ასევე, ზოგადად, ინდუსტრიის გასავითარებლად.
პირდად მე ვხედავ, რომ ბოლო მოვლენებიდან გამომდინარე, უკუსვლა მიმდინარეობს, რადგან ბევრი საერთაშორისო კომპანია ითვალისწინებს რამდენიმე სტანდარტს, თუ როგორ ქვეყნებთან შეიძლება მათ ითანამშრომლონ _ ზოგ რეგიონს განიხილავენ და ზოგს_ არა. რახან მე ვმუშაობ ერთ-ერთ საერთაშორისო კომპანიაში, ერთ-ერთ აუთსორსინგ კომპანიაში, ზუსტად ეგ მოთხოვნები მოდის ჩვენი კლიენტებიდან, რომ ზოგი ლოკაცია მათთივს შეიძლება მისაღები იყოს და ზოგი _ არა; ეს ყველაფერი შეიძლება იყოს გამომდინარე იქედან, თუ როგორი პოლიტიკური კლიმატია ქვეყანაში.
გარდა ამისა, მინდა აღვნიშნო ჩვენი მეზობელი ქვეყნები, მაგალითად, სომხეთი, სადაც ევროპისკენ მიემართებიან და იმ ტენდენციით, რაც ვითარდება ბოლო წლების განმავლობაში, აშკარა ხდება, რომ საქართველო უკან იწევს… სომხეთში კი უკვე რამდენიმე საერთაშორისო გიგანტი კომპანიa გაიხსნა, როგორებიცაა Nvidia, google, ხოლო საქართველოში ვერ ხედავენ ამ ღირებულებას და გულდასაწყვეტია რომ ეს ასე ხდება, რადგან საქართველო ძალიან დიდი მარკეტია, თან, ბოლო მოვლენებიდან გამომდინარე ვიტყვი, რომ უფრო გაიზარდა, რადგან IT წარმომადგენლები სხვადასხვა ქვეყნებიდან ჩვენთან გადმოვიდნენ და დღესდღეისობით უკუსვლა მიმდინარეობს…“
“გურია ნიუსმა” მიიღო დაფინანსება ამერიკის შეერთებული შტატების საერთაშორისო განვითარების სააგენტოსგან (USAID).
“გურია ნიუსი” ინარჩუნებს სრულ სარედაქციო დამოუკიდებლობას. “გურია ნიუსის” მიერ გამოქვეყნებული მასალა არ ასახავს USAID-ის ან ამერიკის შეერთებული შტატების მთავრობის პოზიციას
