გიორგი გოგიტიძე, ჟურნალისტიკის ფაკულტეტის სტუდენტი:
პირველ რიგში, ევროკავშირში თუ მიგვიღებენ, თუ ჩვენ შევალთ ევროკავშირში და ეს აუცილებლად უნდა გაკეთდეს, არ იქნება ის რომ ხელისუფლებას ხელი წაუცდეს მედიაზე! იქ, ევროკავშირის ნებისმიერი წევრ ქვეყანაში თავისუფალი მედია არის პრიორიტეტი.
თუ ჟურნალისტის უფლებები ირღვევა, პლუს ამას, ძალიან მნიშვნელოვანია ამ ქვეყანაში (ზოგადად, საინვესტიციო გარემოსთვისაც, ნებისმიერი რამისთვის მნიშვნელოვანია) გვქონდეს სასამართლო, როგორც ჟურნალისტის უფლებების დაცვისთვის, ასევე, თუ რომელიმე ინვესტორს რაიმე დავა ექნება სახელმწიფოსთან, კონტრაქტორთან ან სხვა ვინმესთან.
მინდა შევეხო სტუდენტებსაც მარტო მედიის კუთხით კი არა, ზოგადად, სტუდენტურ მდგომარეობას; დღეს თბილისში არ არის კარგი მდგომარეობა სტუდენტური საცხოვრებლების თვალსაზრისით და ვხედავთ პროტესტს თბილისის სახელმწიფო უნივერსიტეტის საგამოცდო ცენტრში. ევროკავშირში, მაგალითად, ყველა სტუდენტს აქვს საშუალება, რომ ჰქონდეს მინიმუმ – საცხოვრებელი და მათი უფლებებია დაცული. ასევე, გაცვლითი პროგრამების შესახებ, მაგალითად _ ერასმუსი… ვიცით ცნობილი გაცვლითი პროგრამის სტატუსი და იგი მაღალი რეპუტაციით სარგებლობს. წევრობის შემთხვევაში, კიდევ უფრო მეტ სტუდენტს ექნება საშუალება, გაიზიაროს დასავლური კულტურა და დასავლური განათლება.
ჩვენ, პირველი ევროპელები ვართ და მენტალურად ქართველები ვართ ევროპელები. ზოგიერთი ადამიანი ურევს ერთმანეთში ევროპასა და კავკასიას _ მეტიც, ევროპა და კავკასია ჰგონიათ ცალ-ცალკე კონტინენტები!
კულტურა, რაც მთავარია! მიდის პროპაგანდა იმის შესახებ, რომ აი, დასავლეთი რყვნის და აი, დასავლეთი აფუჭებს იდენტობას… თუ ნებისმიერ დასავლურ ქვეყანას ეწვევით, აუცილებლად პირველი რაც გვიზიდავს ჩვენ და საერთო გვაქვს ამ ღირებულებასთან, ეს არის კულტურა და ის ღირებულებები, რომლებიც არის დასავლეთში: ადამიანის უფლებების პატივისცემა, განსხვავებული აზრის პატივისცემა… საერთოდ, იქ სულ სხვა პოლიტიკაც არის… ამასაც რომ შევეხოთ, მაგალითად, იქ ძირითადად არის კოალიციური მთავრობები და ეს ყველაფერი არის შეთანხმებითი… “კოლექტივიზმია“ ( ცოტა საბჭოური ტერმინი რომ ვიხმარო) _ ასე რომ ვთქვათ, კოლექტიურად იღებენ გადაწყვეტილებას და არა ერთი ადამიანი და არა ერთი პარტია.
ეკონომიკური მიმართულებით: საქართველო არ არის მწარმოებელი ქვეყანა; ამიტომ, ჩვენ დამოუკიდებლად ვერ ვაწარმოებთ რამეს. ჩვენ არ ვართ შვეიცარია და გარშემო არ გვყავს ისეთი მეზობლები: ჩრდილოეთით გვყავს რუსეთი, იქეთ _ აზერბაიჯანი სომხეთი , რომლებიც ერთმანეთში ომობენ… იქეთ რუსეთს აქვს ომი უკრაინასთან და აქეთ თურქეთი, რომლის ეკონომიკური მდგომარეობა მთლად არ არის სახარბიელო. მითუმეტეს, ჩვენ არ ვართ მწარმოებელი ქვეყანა, მომხმარებელი ქვეყანა ვართ და ჩვენი ეკონომიკა დგას დასავლურ ეკონომიკაზე. ანუ დასავლეთიდან შემოსული ფულით ნარჩუნდება ეს ეკონომიკური მდგომარეობა. ბევრი პროდუქცია, რომელსაც ჩვენ ვერ ვაწარმოებთ, ძირითადად სხვადასხვა ქვეყნებიდანაა შემოსული; ამიტომ არის საჭირო, რომ გვყავდეს ძლიერი პარტნიორი ევროკავშირის სახით.
ჩვენი ეკონომიკა მთლიანად დგას დასავლეთზე. ამიტომ, შეიძლება დავკარგოთ ყველაფერი და ამან გამოიწვიოს ძალიან დიდი დეფოლტი საბანკო სისტემაში. პლუს ამას, ყველაფერი ის, რაც თავისუფალი ვაჭრობის სახით გვაქვს, რომელიც 2014 წელს ასოცირების ხელშეკრულებასთან ერთად გავაფორმეთ, ამასაც დავკარგავთ აუცილებლად და შეიძლება შიმშილის ზღვარზე ყოფნაზე მძიმე ვითარებაც კი მივიღოთ ამ ქვეყანაში.
“გურია ნიუსმა” მიიღო დაფინანსება ამერიკის შეერთებული შტატების საერთაშორისო განვითარების სააგენტოსგან (USAID).
“გურია ნიუსი” ინარჩუნებს სრულ სარედაქციო დამოუკიდებლობას.
“გურია ნიუსის” მიერ გამოქვეყნებული მასალა არ ასახავს USAID-ის ან ამერიკის შეერთებული შტატების მთავრობის პოზიციას.
