ქრისტი ორაგველიძე, ცხოველთა უფლებადამცველი ოზურგეთიდან:
“ახალგაზრდებისთვის ძალიან მნიშვნელოვანია ევროკავშირში შესვლა, რადგან იქ არის ძალიან ბევრი სასწავლო პროგრამა განათლების კუთხით. ძალიან მნიშვნელოვან პროექტებს აწარმოებენ მოხუცებისთვის; თქვენ რომელი ქართველი მოხუცი გინახავთ პენსიონერი, რომელიც სხვადასხვა ქვეყნებში მოგზაურობენ?! მე ბევრი ევროკავშირის წევრი ქვეყნის მოხუცი მინახავს საქართველოში მოგზაური, რომლებიც თავიანთი პენსიით ახორციელებენ ამ ყველაფერს. ჩვენ კარგად ვიცით, რომ ევროკავშირის წევრი ქვეყნების პენსიონერი მოხუცი ბებო-ბაბუები ყოველწლიურად თავიანთი პენსიით, სხვადასხვა ქვეყნებს ტურისტებად სტუმრობენ, ათვალიერებენ და ცხოვრებასაც ირგებენ, და ჩვენს ბებო-ბაბუებს კიდევ არჩევანი თავის გადარჩენა აქვთ _ მათ მინიმალურ მოთხოვნილებებსაც ვერ აკმაყოფილებს პენსია, რომელიც წამალსა და კვებას ვერ წვდება…
ჩვენი ქვეყნის წარმატებისთვის და ნათელი მომავლისთვის ერთადერთი გამოსავალი არის ევროკავშირში გაწევრიანება და უბრალოდ, სხვა პრიორიტეტი არც კი უნდა გაგვაჩნდეს და არც გვაქვს ამ ეტაპზე.
მე, პირველ რიგში, ვარ ცხოველთა უფლებადამცველი და სხვა ალტერნატივა არც გამაჩნია, თუ რატომ არ უნდა ვიყოთ ევროკავშირის წევრი ქვეყანა. კარგად ვიცით, თუ რა პირობებში ცხოვრობენ ევროაკვშირის ქვეყნებში ცხოველები და ისიც კარგად ვიცით, თუ რა პირობებში ცხოვრობენ აქ ცხოველები. ყველაზე მთავარი მიზეზი, ერთ-ერთი, არის ის, რომ მხოლოდ ცხოველებისთვისაც კი გვიღირს ევროკავშირში შესვლა!”
“გურია ნიუსმა” მიიღო დაფინანსება ამერიკის შეერთებული შტატების საერთაშორისო განვითარების სააგენტოსგან (USAID).
“გურია ნიუსი” ინარჩუნებს სრულ სარედაქციო დამოუკიდებლობას.
“გურია ნიუსის” მიერ გამოქვეყნებული მასალა არ ასახავს USAID-ის ან ამერიკის შეერთებული შტატების მთავრობის პოზიციას.
