რომის პაპმა ლეო XIV-მ წმინდა პეტრეს მოედანზე შეკრებილ მრევლს სიტყვით მიმართა და მსოფლიოში ომების შეწყვეტისა და მშვიდობის დამყარების აუცილებლობაზე ისაუბრა.
რომის პაპმა განაცხადა, რომ ღაზაში განვითარებული მოვლენებით ღრმად შეწუხებულია, იმედი გამოთქვა ინდოეთსა და პაკისტანს შორის მუდმივი შეთანხმების მიღწევის და უკრაინაში ნამდვილი, ჭეშმარიტი და მუდმივი მშვიდობის მიღწევა უსურვა.
წმინდა პეტრეს ბაზილიკის ცენტრალური აივნიდან გამოსვლისას მან განაცხადა: „მეორე მსოფლიო ომის უდიდესი ტრაგედია 80 წლის წინ დასრულდა… ახლა ჩვენ მესამე მსოფლიო ომის ტრაგედიას ნაწილებად ვაწყდებით.
ასევე მინდა მივმართო მსოფლიოს გავლენიან ადამიანებს და გავიმეორო ყოველთვის აქტუალური მოწოდება: „აღარანაირი ომები, ღმერთს ვევედრები მშვიდობას“.
პაპმა განაგრძო: „გულში ვატარებ საყვარელი უკრაინელი ხალხის ტანჯვას.
დაე, ყველაფერი გაკეთდეს იმისათვის, რომ რაც შეიძლება სწრაფად მივაღწიოთ ნამდვილ, ჭეშმარიტ და მდგრად მშვიდობას. ყველა პატიმარი გათავისუფლდეს. ბავშვები დაუბრუნდნენ თავიანთ ოჯახებს.“
