რამდენად ხშირად გაოცებთ შვილი ერთი შეხედვით უსარგებლო, მაგრამ საინტერესო ფაქტებით? აქამდე ეს, შესაძლოა, უბრალოდ ზოგადი განათლება იყო. მოსწავლეების რჩეული აპლიკაცია sCoolApp-ის ახალი თამაშით კი ეს ცოდნა რეალურ ჯილდოდ იქცევა.
ტრივიაში ქართული ზღაპრის გმირები თქვენს შვილს ცოდნის რეალურ საგანძურად გადაქცევაში დაეხმარებიან.
რა არის sCoolApp-ის ტრივია?
ტრივია არის შემეცნებით-გასართობი თამაში, რომელიც სპეციალურად სკოლის მოსწავლეებისთვის შეიქმნა. ქართული ზღაპრების მოტივებზე აგებულ სამყაროში ბავშვებს მეგზურობას დევი და ფასკუნჯი უწევენ, სადაც ისინი სხვადასხვა თემატურ კითხვაზე პასუხით პრიზებს აგროვებენ. ამ საინტერესო კრეატიულ კონცეფციაზე Redberry-მ იმუშავა.
კითხვები მორგებულია ორ ასაკობრივ ჯგუფზე (6-13 და 14-18 წლის მოზარდები) და მოიცავს ისეთ მრავალფეროვან თემებს, როგორიცაა:
- კინო, პოპკულტურა და სუპერგმირები;
- გეოგრაფია და ისტორია;
- ლიტერატურა;
- STEM (მეცნიერება, ტექნოლოგია);
- ფინანსური განათლება;
- სპორტი.
ტრივიას კითხვებზე მწერალი მინდია არაბული და “რა? სად? როდის?”-ის ცნობილი მოთამაშეები: ბექა ხოჯავა და პანტე სოხაძე მუშაობდნენ.
როგორ მუშაობს ტრივია?
თამაშის მექანიკა მარტივი და საინტერესოა:
🌟 ვარსკვლავები და მონეტები: ყოველი სწორი პასუხით მოთამაშე აგროვებს ვარსკვლავებს, ეტაპის გავლისას კი 5 მონეტას იღებს.
❤️ მცდელობები: დღის დასაწყისში ყველას 3 სიცოცხლე აქვს. არასწორი პასუხი ერთ მცდელობას აკლებს.
🔄 დამატებითი შანსები: სიცოცხლეების ამოწურვისას, მოთამაშეს შეუძლია 2 მონეტად დამატებითი მცდელობის ყიდვა (დღეში მაქსიმუმ 3-ჯერ).
🔥 უწყვეტი ცეცხლი: ზედიზედ რამდენიმე დღე თამაში (დღეში მინიმუმ 1 სწორი პასუხი) მოთამაშეს „ცეცხლს“ უნარჩუნებს, რაც მეტი ვარსკვლავის დაგროვებაში ეხმარება.
❄️ ცეცხლის გაყინვა: 5 მონეტად შესაძლებელია „ცეცხლის გაყინვის“ წინასწარ შეძენა, რაც მოთამაშეს უწყვეტობას შეუნარჩუნებს, თუ მეორე დღეს თამაშს გამოტოვებს.
ნამდვილი ჯილდოები ცოდნისთვის
ტრივიას მთავარი ხიბლი ისაა, რომ დაგროვილი მონეტები რეალურ საჩუქრებში იცვლება:
🛍️VELI.store-ის ვაუჩერები: 30-დან 1700 ლარამდე ღირებულების ვაუჩერები. გაითვალისწინეთ, რომ ვაუჩერის გამოყენება 1 თებერვლამდეა შესაძლებელი, Veli.store-ის sCoolApp-ის სპეციალურ კატეგორიაში. სურვილის შემთხვევაში, თანხის დამატებაც შეიძლება.
💰 sCool-ები: ქულები, რომლებიც პირდაპირ დაერიცხება თქვენი შვილის sCool Card-ის ბალანსს. ამ თანხის დახარჯვა შეუძლიათ პარტნიორ ობიექტებში ან მობილურ ბალანსის შესავსებად.
👤 პროფილის ავატარი „დევგმირი“: 1-3 მონეტად თქვენს შვილს შეუძლია, პროფილზე უნიკალური ავატარი დაიყენოს.
გართობა მეგობრებთან ერთად
თამაში კიდევ უფრო სახალისო ხდება მეგობრების ჩართულობით. ამიტომ ტრივიაში ბავშვებს დახვდებათ:
🏅ლიდერების დაფა: სადაც თქვენი შვილი საკუთარ და მეგობრების პროგრესს თვალს მიადევნებს.
მოსწავლეებს შეუძლიათ მეგობრები ლიდერბორდზე დაამატონ და ერთმანეთის ქულები ნახონ.
👭 მეგობრის მოწვევა: თუ თქვენი შვილი მეგობარს მოიწვევს და ის დარეგისტრირდება, ორივე 5-5 მონეტას მიიღებს (ამ გზით მაქსიმუმ 25 მონეტის დაგროვებაა შესაძლებელი).
ასე რომ გადმოწერეთ sCoolApp, ჩაერთეთ თამაშში და მიეცით ბავშვებს შანსი, ცოდნა ნამდვილ საგანძურად აქციონ!
ინფორმაციისთვის, sCoolApp-ს ყოველდღიურად უკვე 150,000-ზე მეტი ბავშვი იყენებს. თუ თქვენს შვილს ჯერ არ აქვს sCool Card-ი, მას ძალიან მარტივად, მობილბანკის დახმარებით, უფასოდ შეუკვეთავთ და ციფრულ ბარათს სულ რამდენიმე წამში გაუაქტიურებთ.
ხოლო, თუ რაიმე მიზეზით არ გსურს, რომ თქვენმა შვილმა ტრივიაში მიიღოს მონაწილეობა, შეგიძლიათ მარტივად შეზღუდო წვდომა: მოგვწერეთ მობილბანკის ჩატში ან დაგვიკავშირდით ნომერზე: 0322 444 444
(R)
