ახლახან, ოზურგეთში, თაყაიშვილის ქუჩაზე, სადაც უამრავი მარკეტი, სასურსათო თუ საყოფაცხოვრებო მაღაზიაა განთავსებული, ამკრძალავი საგზაო ნიშნები განათავსეს.
_ გავგიჟდეთ, იქნება. დისტრიბუტორები მოვიდნენ. ვიდრე ტვირთს გადმოვიტანდით, დააჯარიმეს. რა ვქნათ? აქ მაღაზიაში საიდან უნდა გადმოვზიდოთ სხვადასხვა საქონელი, თუ დისტრუბუციის მანქანა არ გაჩერდა? მეტი გზა აქ არ არის. არცერთი მხრიდან. არასდროს აქ ამკრძალავი ნიშნები არ ყოფილა, ახლა ისე უცებ შემოიღეს, ჩვენთვის სიტყვაც არ უთქვამთ, _ გვეუბნებიან აქ მომუშავე მცირე მეწარმეები: ლეილა აბაშიძე, ხათუნა ყაზაიშვილი და სხვები.
ისინი გულისტკივილს გამოთქვამენ იმის გამო, რომ მათი ,როგორც მცირე მეწარმის გასაჭირს, არავინ იზიარებს ამ შემთხვევაში და ეს ყველაფერი საქმიანობის აკრძალვის ტოლფასია.
_ საიდანაც გინდათ, იქედან შეიტანეთ საქონელიო, გვითხრეს. დააკვირდით, ფრენა დავიწყოთ თუ ტომრები, ყუთები როგორ შემოვიტანოთ, თუ დისტრიბუციის მანქანა არ გაჩერდა? _ გვეუბნებიან ისინი.
„გურია ნიუსი“ მინიციპალური ინქსპექციის უდროსსს, გენადი კიშინსკის დაუკავშირდა და პრობლემის Sესახებ ჰკითხა.
„მე ვინ ჯანდაბა ვარ? საკრებულოს გადაწყვეტილებაა და მათ ჰკითხეთ“, _ საწყლად გვიპასუხა მუნიციპალური ინსპექციის უფროსმა, გენო კიშინსკიმ.
სხვათა შორის, იმავე ქუჩაზეა განთავსებული მისი სახლი და აქ მეწარმეები მისგან ნაქირავები ფართით სარგებლობენ.
არის თუ არა „ჯანდაბა“ ოზურგეთის მერიის მუნიციპალური ინსპექციის სამსახურის უფროსი გენო კიშინსკი და ვისი მოთხოვნით მიიღო გადაწყვეტილება საკრებულომ თუ სხვამ, მალე გიამბობთ.
ავტორი
