აჭარა-გურიის ანტიკორუფციული სამმართველოს ოზურგეთის მერიის შენობა დატოვეს. ისინი თავდაპირველად კანცელარიაში იმყოფებოდნენ, სადაც ჩვენ მოვახერხეთ ფოტოს გადაღება. ამის შემდეგ სამართალდამცავებმა გადაინაცვლეს ოზურგეთის მუნიციპალიტეტის გამგეობის საფინანსო-საბიუჯეტო განყოფილების უფროსის გია მამაკაიშვილის სამუშაო კაბინეტში, სადაც რამდემიმე წუთი დაჰყვეს.
როგორც საფინანსო-საბიუჯეტო სამსახურის უფროსი ჩვენთან საუბრისას განმარტავს, სამართალდამცავების მხრიდან ამოღებული იქნა ის პირველადი ბუღალტრული დოკუმენტაცია, რისი ასლებიც მათთვის გადაგზავნილი ჰქონდათ.
ჩვენს კითხვაზე, თუ რა ეტაპზეა საგამოძიებო მოქმედებები და როგორ შეიძლება განვითარდეს მოვლენები, მამაკაიშვილი გვპასუხობს, რომ გამოძიების ინტერესებიდან გამომდინარე, დეტალებზე ვერ ისაუბრებს.
„ძალიან მალე დაიდება საბოლოო დასკვნა”, _ ამბობს მამაკაიშვილი.
შეგახსენებთ, რომ ოზურგეთის მუნიციპალიტეტის მერმა, კონსტანტინე შარაშენიძემ, გასული წლის 26 დეკემბერს, არჩევიდან ერთი თვის შემდეგ, საქართველოს ეროვნული ოლიმპიური კომიტეტის გურიის რეგიონალურ ორგანიზაციას, რომლის ხელმძღვანელი მისი სიძე, ლაშა ლომაძეა, 30 000 ლარი ჩაურიცხა.
თანხის ჩარიცხავს წინ უძღვის 26 დეკემბერს გამოცემული ბრძანება, რომელშიც ვკითხულობთ:
“საქართველოს ეროვნული ოლიმპიური კომიტეტის გურიის რეგიონალური ორგანიზაციის მიერ, შშმ კატეგორიის პირების სოციალური ფსიქოლოგიური რეაბილიტაციისა და საზოგადოებაში ინტეგრაციის უზრუნველყოფის ფარგლებში შედგენილი საგანმანათლებლო გამაჯანსაღებელი პროექტის თანადაფინანსების მიზნით, ოზურგეთის მუნიციპალიტეტის 2017 წლის ბიუჯეტით გათვალისწინებული (პროგრამული კოდი 04.02) ზოგადი განათლების ხელშეწყობის პროგრამიდან გამოიყოს 30 000 ლარი”.
ოზურგეთის მერიიდან გამოთხოვილი ოფიციალური დოკუმენტაციით ირკვევა, რომ ამ მომსახურებაზე ხელშეკრულება შარაშენიძეს და ლომაძეს შორის არ გაფორმებულა.
ამავე თემაზე: ოზურგეთის მუნიციპალიტეტის მერიაში ანტიკორუფციული სამმართველოს თანამშრომლები იმყოფებიან
ოზურგეთის მერის მიერ სიძისთვის გადარიცხული ფულის საქმეს სუს-ი იძიებს
ოზურგეთის მერის მიერ სიძისთვის გადარიცხული 30 000 ლარის საქმეზე გამოძიება დაიწყო
რატომ გადაურიცხა ოზურგეთის მერმა საკუთარი სიძის ორგანიზაციას 30 000 ლარი
