ევროკავშირში ფიქრობენ, რომ მომდევნო ორი წელი შეიძლება იყოს იდეალური პერიოდი რუსეთისთვის, გამოსცადოს ნატოს სიძლიერე.
ამის შესახებ Politico იუწყება _ იგი ესაუბრა პოლიტიკოსებს, რომლებიც უშუალოდ იცნობენ ვითარებას.
მათი თქმით, თავდაცვის წარმომადგენლები და კანონმდებლები ევროპაში შიშობენ, რომ კრემლი მომდევნო ერთ-ორ წელს, სანამ დონალდ ტრამპი ჯერ კიდევ თეთრ სახლშია და ევროკავშირს ჯერ კიდევ არ გაუძლიერებია თავისი სამხედრო შესაძლებლობები, შეეცდება, გამოსცადოს ნატოს სიძლიერე.
„ეს შეიძლება ძალიან მალე მოხდეს _ ამჟამად რუსეთს შესაძლებლობების ფანჯარა აქვს“, – თქვა მიკა აალტოლამ, ფინეთის პარლამენტის და ევროპარლამენტის საგარეო საქმეთა კომიტეტის წევრმა.
„აშშ ტოვებს ევროპას, ტრანსატლანტიკური ურთიერთობები ნანგრევებად არის ქცეული და ევროკავშირი ჯერ კიდევ არ არის სრულად მზად, აიღოს სრული პასუხისმგებლობა“, – დასძინა მან.
