პოლონეთში შექმნეს გაჯეტი, რომელიც დღე-ღამეში 2-3 საათში გამოძინების საშუალებას იძლევა.
მოწყობილობა, რომელიც წარმოადგენს გადამცემებიან ნიღაბს, ძილის რუკას ადგენს. გადამცემები ორგანიზმის ბიოლოგიურ სიგნალებს ზომავს, მათ შორის ტვინის ფუნქციონირებას, თვალის გუგების მოძრაობას და კუნთების დაძაბულობას.
შეგროვებული მონაცემები გადაიცემა სმარტფონზე და სპეციალური პროგრამა მომხმარებლის ძილის ეგრეთ წოდებულ რუკას ქმნის.
პროგრამის მითითებებით, მომხმარებელს შეუძლია გათვალოს ძილის ხანგრძლივობა.
ამასთან, ექიმების რეკომენდაციით, მოწყობილობით რეგულარულად სარგებლობა არ შეიძლება.
ზრდასრულ ადამიანს დღე-ღამეში 5-დან 7 საათამდე ძილი ესაჭიროება. ამასთან, მნიშნელოვანია, რომ სრულყოფილად გამოძინებისთვის ორგანიზმი ღრმა ძილის ფაზაში იყოს.
