შალვა მეცხოვრიშვილი, IT სპეციალისტი, ეკონომიკის მაგისტრი:
ჩემი აზრით, ევროკავშირი საქართველოსთვის მნიშვნელოვანია რამდენიმე მიმართულებით. დავიწყებ ეკონომიკით; ჩვენნაირი პატარა ეკონომის მქონე ქვეყნისთვის აუცილებელია უცხოური ინვესტიციები, იმისთვის, რომ უცებ განვვითარდეთ და ჩვენი ეკონომიკა გაიზარდოს.
მნიშვნელოვანია რომელ, სამყაროს რომელ სფეროსთან ასოცირდება ქვეყანა, რამდენად არის დაცული კერძო საკუთრება, რამდენად არის დაცული ადამიანთა უფლებები. ის, რომ ვიყოთ ევროპული ქვეყანა და ვიყოთ ახლოს დასავლურ სამყაროსთან, მნიშნვნელოვანია მოვიზიდოთ ინვესტიციები, ინვესტორებს ჰქონდეთ იმის სურვილი, რომ საქართველოში ჩადონ მათი ფინანსებ.
საჭიროა, ვიყოთ საუკეთესო ქვეყანა რეგიონში, როდესაც აკეთებენ არჩევანს, სხვადასხვა რეგიონში სად წავიდეს ფინანსები, სად წავიდეს კაპიტალი, მათთვის მნიშვნელოვანია ის, რომ ქვეყანა იყოს დემოკრატიული, კერძო საკუთრება იყოს დაცული, იყოს ადამიანების უფლებები დაცული, იყოს ბიზნესი თავსუფალი, იყოს სასამართლო.. _ ეს ყველაფერი გადამწყვეტ როლს თამაშობს, როდესაც ინვესტორი ირჩევს, თუ სად წაიღოს თავისი ფინანსები. იმისთვის, რომ ეკონომიკა გვქონდეს მზარდი, შემოვიდეს უცხოური ინვესტიციები, აუცილებელია ჩვენი ევროპულ ოჯახთან სიახლოვე. ევროპული ბაზრების ათვისება ძალიან მნიშვნელოვანია ჩვენი ქვეყნისთვის.
გამომდიარე იქედან, რომ ევროპულ ბაზარზე პროდუქციის შესვლა მოითხოვს რაღაც გარვეული სტანდარტების შესაბამისობას, უნდა იყოს ხარისხობრივად კარგი. ამიტომ, ევროპის ბაზარზე ჩვენი პროდუქციის გატანა მოგვცემს შესაძლებლობას, რომ ვაწარმოოთ უკეთესი პროდუქცია… თუ ევროპის ბაზარი მიიღებს ამ პროდუქციას, მსოფლიოს ნებისმიერ სხვა ქვეყანაში შეგვეძლება გატანა.
ასევე, პოლიტიკურად ნაკლებად მერყევი ბაზარი არის სტაბილური _ შეგვიძლია, რომ ჩვენი პროდუქცია ვაწარმოოთ, გავყიდოთ, ექსპორტზე გავიტანოთ ისე, რომ მწარმოებლებს არ ჰქონდეთ დიდი რისკები პოლიტიკური ვითარებიდან ან რამე სხვა ვითარებიდან გამომდინარე, რომ მოუწევთ რაღაც რადიკალური ცვლილებები თავის ბიზნესში და რაღაცეების შეცვლა და ახალი გზების მოძებნა, თუ დაიმკვიდრებენ თავის ადგილს ევროპულ ბაზარზე.
მნიშვნელოვანია განათლების მიმართულებით, რომ ჩვენმა ახალგაზრდებმა და არამარტო ახალგაზრდებმა მიიღონ ევროპული განათლება, მიიღონ ევროპული გამოცდილება, როგორ იწარმოება უახლესი ტექნოლოგიებით სხვადასხვა პროდუქცია _ ეს ძალიან მნიშვნელოვანია ჩვენი ქვეყნისთვის, რომ საუკეთესო პრაქტიკები გადმოვიღოთ.
ასევე, ძალიან დიდი მნიშვნელობა აქვს ევროკავშირის ფონდების მიერ დაფინანსებას საქართველოში, როგორც მცირე ბიზნესების ასევე მსხვილი ბიზნესების მხრივ. უამრავი დიდი პროექტები, ისეთები, როგორებიცაა ინფრასტრუქტურული პროექტები და ასე შემდეგ, ძალიან დიდი ნაწილი დაფინანსებულია ევროკავშირის მიერ და ის, რომ იყოს კარგი ინფრასტრუქტურა, რომ იყოს ბიზნესისთვის კარგი გარემო, ძალიან ბევრი გრანტი და დაფინანსება მოდის ამ კუთხით ევროკავშირისგან. ეს კი ძალიან მნიშვნელოვანია ჩვენი ქვეყნისთვის.
ძალიან ბევრი პროექტია ძეგლთა დაცვის მხრივ, რაც ჩვენი ქართული ტრადიციების შენახვას, ჩვენი ისტორიული ძეგლების გადარჩენას ემსახურება. ყველაფერ ამის დაფინანსება ხდება ევროკავშირიდან, რაც ჩვენი იდენტობისთვის, ჩვენი ეროვნულობისთვის ძალიან მნიშვნელოვანია. ზოგადად, ევროპული ცივილიზაცია ჩვენთან გაცილებით უფრო ახლოს არის და ცხოვრების დონე რომ იყოს მაღალი, ის რომ უფრო მაღალი მიმღებლობა გვქონდეს საზოგადოებას, გვქონდეს უფრო კარგი და გამჭვირვალე მართვის სისტემები, გვქონდეს სასამართლო, ადამიანების უფლებები დაცული, ამ ყველაფრისთვის ძალიან მნიშვნელოვანია ჩვენი ევროპასთან სიახლოვე.
“გურია ნიუსმა” მიიღო დაფინანსება ამერიკის შეერთებული შტატების საერთაშორისო განვითარების სააგენტოსგან (USAID).
“გურია ნიუსი” ინარჩუნებს სრულ სარედაქციო დამოუკიდებლობას.
“გურია ნიუსის” მიერ გამოქვეყნებული მასალა არ ასახავს USAID-ის ან ამერიკის შეერთებული შტატების მთავრობის პოზიციას.
