კენიის პრეზიდენტის, უილიამ რუტოს გადაწყვეტილებით, კილიფის ოლქში ბაობაბების ამოთხრა შეჩერებულია. ამის შესახებ the-star.co.ke წერს.
პრეზიდენტმა გადაწყვეტილების აღსრულება მინისტრთა კაბინეტს დაავალა, მანამდე კი ადგილობრივი გარემოსდამცველების განგაშის შემდეგ გიგანტური ბაობაბების ტრანსპორტირებაც შეჩერდა.
გარემოსდამცველმა დოქტორმა პაულა კაჰუმბუმ განგაში გამოაცხადა აღნიშნული ტერიტორიაზე ხეების გატანის შესახებ.
“ვიღაც თითქოს თხრის და ყიდის უძველეს გიგანტურ ბაობაბის ხეებს კილიფის საგრაფოში. გთხოვთ, შეხედოთ ამას და შეაჩეროთ ჩვენი ხეების განადგურება“, – თქვა მან.
მან აღნიშნა, რომ პრეზიდენტმა ნათლად თქვა, რომ ხეები წმინდა დარგვაა და არა განადგურება.
პრეზიდენტმა გარემოს დაცვისა და სატყეო მეურნეობის სამინისტროს დაავალა, საკითხი განიხილოს ბიომრავალფეროვნების კონვენციისა და ნაგოიას პროტოკოლის ფარგლებში.
“კენიელებისთვის უნდა არსებობდეს ადეკვატური ავტორიზაცია და სამართლიანი სარგებლის გაზიარების ფორმულა. გარდა ამისა, სამუშაოები უნდა შეესაბამებოდეს მთავრობის დღის წესრიგს 15 მილიარდი ხის დარგვის შესახებ მომდევნო 10 წლის განმავლობაში“, – თქვა მან.
როგორც the-star.co.ke წერს, კენიურმა სასამართლომ საუკუნოვანი ხეების გატანა საქართველოში სანებართვო ლიცენზიების არარსებობის და ბიო მეკობრეობის საფრთხის მიზეზით აკრძალა. პრეზიდენტ რუტოს დირექტივა გამოძიების დასრულებამდეა ძალაში.
“სახელმწიფო კანონმდებლობისა და პროტოკოლების დარღვევით უცხოურმა კომპანიამ მოთხარა და გადაიტანა 8 ერთეული ბაობაბი. მე ვეთანხმები კენიის გარემოს დაცვის სამინისტროს გადაწყვეტილებას, რომელმაც უკან გაიწვია შესაბამისი ლიცენზია, ასევე გაუქმებულია ის სანებართვო ფორმა, რომელიც ამ ხეების ტრანსპორტირებისთვის იყო საჭირო“, – თქვა გარემოს დაცვისა და სატყეო მეურნეობის კაბინეტის მდივანი.
გამოცემა წერს, რომ ქართველმა ინვესტორმა გიორგი გვასალიამ, როგორც ადგილობრივები ამბობენ ქილიფის ინფრასტრუქტურული გზები გააკეთა, ასევე სკოლები ააშენა ხეების სანაცვლოდ.
“გიორგიმ ჩვენი გზები გააკეთა, ჩვენთვის ააშენა სკოლები, სანაცვლოდ ჩვენ ვაძლევთ უფლებას, იყიდოს ჩვენი ხეები“, – თქვა ფერმერმა დევის კაჰინდიმ.
გარემოს დაცვის ექსპერტი, დოქტორი მუინგა ჩოკვე ეწინააღმდეგება აღნიშნულ აქტიურობას და ამბობს, რომ ხეს დიდი სარგებელი მოაქვს, განსაკუთრებით ეკოლოგიის კუთხით.
მისი თქმით, ბაობაბის ხეების შენარჩუნება საკვანძოა, რადგან ისინი ისტორიულია
ბაობაბის ხეები დაახლოებით 250-500 წელია არსებობს.
გიგანტური მწიფე ბაობაბის ხე ექსპორტზე გადის და იყიდება 100,00-დან 300,000 რაოდენობით
როგორც ქართულ მედიაში გავრცელდა ინფორმაციას, ბაობაბის ხეები საქართველოში ოლიგარქ ბიძინა ივანიშვილს ჩამოჰქონდა.
ავტორი
