ქუთაისში, იოსელიანის ქუჩაზე მშენებარე საცხოვრებელი კორპუსის ხარაჩო ჩამოიშალა და რამდენიმე მუშა მოიყოლა. ინფორმაციას “ინფო იმერეთი” ავრცელებს.
მათი მდგომარეობის შესახებ ინფორმაცია ჯერჯერობით უცნობია.
“ინფო იმერეთის” ინფორმაციით, ადგილზე მობილიზებულია სასწრაფო სამედიცინო დახმარების ჯგუფები, საპატრულო და კრიმინალური პოლიცია.
სამართალდამცველებს მიმდებარე ტერიტორია ყვითელი ლენტით აქვთ შემოსაზღვრული.
ჯერჯერობით ოფიციალური კომენტარი არ გაკეთებულა.
