“დღევანდელი ბრიფინგის დაწყება გვიწევს უმძიმესი ამბით, რომელიც ეხება ჩვენი გუნდის წევრის, ერმილე გიგიაძის გარდაცვალებას”,_ ამის შესახებ განცხადება ბრიფინგზე საპარლამენტო უმრავლესობის წევრმა გივი მიქანაძემ გააკეთა.
როგორც მიქანაძის განცხადებიდან ირკვევა, მმართველი გუნდი წევრის გარდაცვალებას ოპოზიციურ პარტიას აბრალებს.
“გუშინ, წყალტუბოში „ნაციონალური მოძრაობის” წარმომადგენელი როლანდ ნუცუბიძე ჩვენი პარტიის ოფისში მივარდა და ერმილე გიგიაძეს არაერთგზის სიტყვიერი შეურაცხყოფა მიაყენა, რის შედეგადაც, ნერვიულობის ფონზე, ეს ადამიანი ადგილზე გარდაიცვალა. ეს არის კიდევ ერთხელ დადასტურება და გამოხატულება იმ ფაშისტური პოლიტიკის და საქმიანობის, რომელსაც „ნაციონალური მოძრაობა” ეწევა და აგრძელებს ამას თავისი ჩვეული მეთოდებით. მინდა ჩვენი გუნდის სახელით გამოვხატო ღრმა მწუხარება და სამძიმარი ერმილე გიგიაძის ოჯახის მისამართით და ახლობლების მისამართით”,_ განაცხადა მიქაიძემ.
