ბევრი ამბობს, რომ საუზმე დღის ყველაზე მნიშვნელოვანი კვებაა, ამიტომ, რა თქმა უნდა, მისი ყავით ჩანაცვლება არ შეიძლება იყოს კარგი თქვენი ჯანმრთელობისთვის. გაითვალისწინეთ, რომ იმავე დროში, რაც ყავის მომზადებას სჭირდება, შეგიძლიათ ახალი ხილისგან, მთლიანი მარცვლეულისგან ან თხილისაგან მომზადებული ბოჭკოვანი და ანტიოქსიდანტებით სავსე საუზმე მიირთვათ, რაც წონის კორექციისთვისაც გამოგადგებათ.
თუ თქვენ არ აპირებთ შავი ყავის დალევას და გირჩევნიათ დაამატოთ კრემი და დამატკბობლები, სამართლიანი გაფრთხილება: ამან შეიძლება გავლენა იქონიოს თქვენს ჯანმრთელობაზე იმისდა მიხედვით, თუ რამდენს დაამატებთ. შაქრის ზომიერი რაოდენობა ნორმალურია, მაგრამ კარგად დააკვირდით დანამატების შეფუთვაზე შაქრის შემცველობის ოდენობას, რადგან თუ ყოველჯერზე მსგავსი დამატკბობლებით მიიღებთ ყავას, შესაძლოა დღის განმავლობაში დასაშვებზე მეტი შაქარი მიიღოთ. კარგი იქნება, თუ ასაკის მატებასთან ერთად, სისხლში შაქრის შემცველობას გააკონტროლებთ.
სამწუხაროდ, წყლის დალევა ბევრს ხშირად ავიწყდება. თუ თქვენ ბევრ ყავას სვამთ, ეს შეიძლება იყოს დეჰიდრატაციის და კატასტროფის რეცეპტი, როდესაც საქმე თქვენს ჯანმრთელობას ეხება. კოფეინის წყლით დევნის დავიწყებამ შეიძლება გამოიწვიოს დეჰიდრატაცია, რამაც შეიძლება უარყოფითად იმოქმედოს თქვენს კანზე, საჭმლის მონელებაზე, ენერგიის დონეზე, საკვები ნივთიერებების შეწოვაზე და სახსრებზეც კი.
რაც შეეხება არჩევას, როდის დალიოთ ყავა, ყველაფერი გააკეთეთ, რომ დილას მიჰყვეთ. მაშინაც კი, თუ კოფეინი არ გაფხიზლებთ გვიან ღამით და დაძინებაში ხელს არ გიშლით, ეს არ ნიშნავს რომ თქვენ შეგიძლიათ ყავის ძილის წინ მირთმევა. კოფეინი არის სტიმულატორი, რომელიც ძილის წინ მოხმარებისას არღვევს ადექვატურ დასვენებას. ცუდმა ძილმა კი შეიძლება ზიანი მიაყენოს ჯანმრთელებას, იმუნურ სისტემას, განწყობას, ენერგიას და მეტაბოლიზმს.
შეიძლება ფიქრობთ, რომ კარგი იდეაა შაქრის ჩანაცვლება ხელოვნური დამატკბობლებით, მაგრამ ისინი რეალურად სერიოზულ გავლენას ახდენენ თქვენს ჯანმრთელობაზე გრძელვადიან პერსპექტივაში. ხელოვნური დამატკბობლები არამხოლოდ არასასურველია კვების თვალსაზრისით, არამედ ზიანს აყენებს ინსულინის დონეს, ნაწლავების ჯანმრთელობას, რაც გავლენას ახდენს სხეულის ყველა სასიცოცხლო გზაზე და გიბიძგებთ მეტი ტკბილეულისკენ ზოგადად მთელი დღის განმავლობაში.
