დარწმუნებული ხართ, რომ რთული ნახშირწყლები – შვრიის ფანტელი ან ხორბლის პური უფრო სასარგებლო საუზმეა, რადგან ასე დანაყრების შეგრძნება დიდხანს გასტანს. თუმცა ყველაფერი ასე არ არის: თუ წონაში დაკლება გსურთ, საუზმე უნდა შედგებოდეს ცილებისგან, მათ გადამუშავებაზე ხომ მეტი ენერგია და დრო იხარჯება, ვიდრე ნახშირწყლებზე. სადილად კი უმჯობესია წიწიბურა მიირთვათ.
აქტიური ვარჯიშების ნაცვლად, რომლის დროსაც ცხიმი იწვის – ტანვარჯიში, სირბილი, ცურვა – სპორტდარბაზში ძალოვან ვარჯიშებს არჩევთ. პრობლემა იმაში მდგომარეობს, რომ მსგავსი ფიზიკური დატვირთვების დროს თქვენი კუნთები იზრდება და სხეულის მასა იმატებს, ცხიმი კი ძალიან ნელა ქრება.
სოიოს დიეტური პროდუქტების უმრავლესობა შეიცავს, მაგრამ მისი არასწორი გამოყენება წონაში მატებას გამოიწვევს. საქმე იმაშია, რომ სოიო ესტროგენის ანალოგიურ ფიტოჰორმონებს შეიცავს. მის გამოყოფას ორგანიზმი კი ისე იღებს, როგორც ცხიმის დაგროვების სიგნალს.
აქ სიტუაცია თითქმის იგივეა, როგორც უცხიმო პროდუქტების შემთხვევაში. დიეტა გლუტენის გარეშე ხელსაყრელია მხოლოდ მათთვის, ვისაც გლუტენის აუტანლობა აქვს. თუ ეს პრობლემა არ გაწუხებთ, გაითვალისწინეთ, რომ გლუტენის გარეშე პროდუქტების წარმოებისას იყენებენ რაფინირებულ შაქარს და შედეგად მეტ კალორიას იღებთ.
მიირთმევთ ხსირად და ცოტას. კვების ეს მეთოდი იდეალურად მიიჩნევა, მაგრამ ყველასთვის გამოსადეგი არ არის. უფრო ზუსტად კი მათთვის, ვისაც გრაფიკით ცხოვრება არ შეუძლია და ბოროტად იყენებს ულუფებს. ამ მეთოდის ნაკლი ისაა, რომ თქვენ გამუდმებით მაძღარი ხართ და გავიწყდებათ როგორია შიმშილის გრძნობა. თუ შიმშილის გრძნობა არ გექნებათ, საჭიროზე მეტი საკვების მიღებით რისკავთ.
დიეტური კოკა-კოლა და შაქრის შემცვლელი აბები ყოველთვის გამოსავალი არ არის. მაშინაც კი, თუ ტკბილ გაზიან სასმელში კალორია 0-ია, ორგანიზმი შაქრის შემცვლელს ჩვეულებრივი შაქრისგან მაინც ვერ ანსხვავებს და ინსულინს გამოიმუშავებს. გამომუშავებული ინსულინი გლიკოგენად იქცევა, რაც ცხიმად გარდაიქმნება.
