| დივანი ინტერიერის ერთ-ერთი ყველაზე განმსაზღვრელი ელემენტია, რომელიც ოთახში შესვლისთანავე მარტივად იქცევს ყურადღებას. ამიტომ, მნიშვნელოვანია, მისი დანარჩენ ავეჯთან, აქსესუარებთან და დიზაინთან შეხამება. ეს არ გულისხმობს, რომ დივანი აუცილებლად იმავე ფერის უნდა იყოს, რა ფერისაც ოთახის კედლები, მაგიდა და სკამები. პირიქით, შესაძლოა, მისი ტონები რადიკალურად განსხვავდებოდეს იმ ფერთა გამისგან, რომელშიც ინტერიერია გადაწყვეტილი და სწორედ ამ კონტრასტმა შექმნას შთამბეჭდავი განწყობა. მთავარია, ეს ყველაფერი გემოვნებიანად მოხდეს. დღეს რამდენიმე რჩევას გაგანდობთ, რომლის გათვალისწინებაც სასურველი შედეგის მიღწევაში დაგეხმარებათ.
დეტალები ოთახის ინტერიერიდან ოთახი თავად გიკარნახებთ, რა მიმართულებით წახვიდეთ. იმის მიხედვით, რა სტილი გაქვთ არჩეული, თანამედროვე თუ კლასიკური, მინიმალისტური თუ სხვადასხვა წვრილ-წვრილი დეტალით გაფორმებული, ვინტაჟური თუ ექსტრავაგანტური, მყუდრო თუ დინამიკური – განსხვავებული მოდელები გამოგადგებათ. შეგიძლიათ, სწორება ერთ კონკრეტულ დეტალზე გააკეთოთ და მთელი კონცეფცია მის გარშემო ააწყოთ. ეს შესაძლოა იყოს ხალიჩა, ფარდები, ჭაღი, ბუხარი ან თავად დივანი. ნუ შეგეშინდებათ ექსპერიმენტების. სცადეთ სხვადასხვა სტილი და იყავით თამამი. ეს აუცილებელია, რათა ოთახს ინდივიდუალიზმი შესძინოთ. როგორ ავარჩიოთ სწორი ზომის დივანი ვიზუალური ფაქტორების გარდა, მნიშვნელოვანია, ისეთი პრაქტიკული დეტალებიც, როგორიცაა ოთახის ზომა. დივნის პროპორციები სწორედ ამას უნდა მოარგოთ. დიდ ოთახში 5-6-ადგილიანი დივნის დადგმას თავისუფლად შეძლებთ, სადაც თქვენც და თქვენი სტუმრებიც თავისუფლად მოთავსდებით. ეს განსაკუთრებით პრაქტიკულია, თუ დიდი ოჯახი გაქვთ. მცირე ზომის მისაღებში კი შედარებით მომცრო, მაგალითად – ორადგილიანი დივნის დადგმა აჯობებს, რომელიც დიდ ადგილს არ წაგართმევთ და თავისუფლად მოძრაობის საშუალებას მოგცემთ. ქსოვილი და მასალა ავეჯის შეძენისას ასევე ყურადღება უნდა მიაქციოთ ქსოვილსა და მასალას. რბილი, ფუმფულა დივანი იდეალურად შეესაბამება მყუდრო ოთახს. ინტერიერში სიმშვიდის განცდა შემოაქვს ხის დეტალებს. თუ კლასიკური, მინიმალისტური სტილი გაქვთ არჩეული, შესაძლოა, პასტელის ფერების ავეჯი იყოს საუკეთესო ვარიანტი. დეკორატიული დივანი ზოგჯერ სხვადასხვა დეტალით არის გაფორმებული. სწორედ ეს ხდის მას სახასიათოს. ასე რომ, კარგად დაფიქრდით, რა ქსოვილისა და მასალის ავეჯი შეიძინოთ. აქსესუარები ოთახის გასაფორმებლად იმისთვის, რომ დივანი უკეთ მოერგოს ინტერიერს, დამატებითი აქსესუარები შეგიძლიათ დაიხმაროთ. მაგალითად, ფერადი ბალიშები და მუთაქები. ეს არამარტო ვიზუალურ ეფექტს შექმნის, კომფორტული და მოსახერხებელი იქნება. გარდა ამისა, შეგიძლიათ გამოიყენოთ ტორშერი, ჟურნალების მაგიდა და კიდევ ბევრი სხვა დეტალი, რომელიც დივანს მოუხდება და ოთახის ნაწილად აქცევს. შეჯამება დივნის ინტერიერთან შეხამება ოთახში ჰარმონიის შექმნისთვის მეტად მნიშვნელოვანია. ეს დაგეხმარებათ თავი მშვიდად და კომფორტულად იგრძნოთ. იმედი გვაქვს, ჩვენს რჩევებს გაითვალისწინებთ და სწორედ იმ ეფექტს მიაღწევთ, რომელიც ჩაფიქრებული გაქვთ. |
Developed By Web Features 2026 © All rights reserved