სააღდგომო კვერცხის შესაღებად, უმეტესად ბუნებრივ საშუალებას, ენდროს ფესვებს ამჯობინებენ. როგორც წესი, კვერცხი წითელ პარასკევს იღებება.
ორი დღით ადრე კი, ოთხშაბათს, (ხუთშაბათსაც არაუშავს,) დავჩეჩქვოთ სამი შეკვრა ენდრო. ჯერ დავალბოთ ცივ წყალში. დავამატოთ, თუ გვაქვს, ხახვის ფურცლები. სამი საათის შემდეგ, წამოვადუღოთ და გადმოვდგათ. პარასკევს, დილით გავწუროთ და ვადუღოთ ნახევარი საათის განმავლობაში. შემდეგ ეს მასა ჩავასხათ სამ ლიტრ წყალში. დავუმატოთ ხუთი სუფრის კოვზი ძლიერი ძმარი და ერთი სუფრის კოვზი მარილი. კარგად მოვურიოთ. ეს საკმარისია 40-50 კვერცხისთვის. (სხვა რაოდენობის შეღებვა თუ გსურთ, შესაბამისად იანგარიშეთ.)
ჩავალაგოთ კვერცხი. დავდგათ საშუალო ცეცხლზე. ადუღებიდან ერთ საათში გადმოვდგათ.
თუ გვსურს კვერცხს გაცილებით მკვეთრი წითელი ფერი ჰქონდეს და არ გიქმნით დისკომფორტს ქარხნული წესით დამზადებული საღებავი, დუღილის დროს, შეგიძლიათ დაამატოთ ისეთი ფერი, რომელიც კაშკაშა წითელია.
დაიხსომეთ, ადუღეთ საშუალოზე ოდნავ დაბალ ცეცხლზე, თორემ კვერცხები დასკდება!
ქვაბი გადმოდგით და კვერცხი ფრთხილად ამოალაგეთ. უმჯობესია, გობზე ტილო დააფინოთ. შემდეგ კი, როცა გაშრება და გაგრილდება, გააპრიალეთ ზეთიანი ქსოვილით.
ავტორი
