ახალგაზრდა ქართველი რეფერი საბა მახარაძე, მსოფლიო რაგბმა საქართველოში გასამართ 20-წლამდელთა მსოფლიო ჩემპიონატზე მოედნის 12 მსაჯს შორის დაასახელა. ინფორმაციას rugby.ge ავრცელებს.
მსოფლიო რაგბის მიერ ორგანიზებული რანგით მეორე (კაცთა მსოფლიო თასის შემდეგ) დონის ტურნირს საქართველო მასპინძლობს. 27 ივნისიდან 18 ივლისის ჩათვლით, 7 სათამაშო დღეს, თბილისსა და ქუთაისში 20-20 შეხვედრა გაიმართება (ჯამში 40). სწორედ ამ თამაშებს მოემსახურება მსოფლიო რაგბის მიერ შერჩეული 12 რეფერი, რომელთაგან ერთი, 25 წლის საბა მახარაძეა.
