„ენერგო-პრო ჯორჯიას“ ოზურგეთის ფილიალის მენეჯერის, გია ნაკაიძის თქმით, ამ დროისთვის სოფელ ჭანიეთში ელექტროენერგიის აღდგენითი სამუშაოები მიმდინარეობს.
მისივე განცხადებით, იმ სოფლების უმრავლესობაში, სადაც სტიქიის დროს შუქი გაითიშა, ელექტროენერგიის მიწოდება უკვე აღდგენილია.
დარჩენილია მხოლოდ ცალკეული ლოკალური ადგილები, მათ შორის უნივერსიტეტის ქუჩა.
„კონკრეტულ ადგილას ვიმყოფებოდი და დღეისთვის შუქის აღდგენა ვერ მოხერხდება. წაქცეულმა ხეებმა სერიოზული ზიანი მიაყენა ელექტრობოძებსა და სადენებს“, — განაცხადა გია ნაკაიძემ.
