“მილიარდელმა ხელისუფალმა ვალი აპატია მილიონერ კალაძეს და ხაზარაძეს. მოვითხოვთ ამ შენობაში განთავსებული მილიონერთა კლუბისგან ჩამოაწეროს ვალები წელში ფინანასურად გატეხილ მოსახლეობას. თუ ვალების ჩამოწერა მილიონრებისთვის, ეს შეუძლებელი არ არის უსახსრობაში მყოფი ხალხისთვის. ახალი წელი არა მხოლოდ მილიონრებისთვის, ყველასთვის უნდა იყოს,” _ განაცხადა შალვა ნათელაშვილმა.
“ლეიბორისტული პარტიის” წარმომადგენელთა განცხადებით, სახელმწიფომ ორმოცზე მეტ ინვესტორს შეუსრულებელი ვალდებულებებისათვის დაკისრებული ჯარიმები აპატია.
“ამ დროისთვის ინვესტორებისთვის სრულად ნაპატიები თანხის ოდენობა 2 მილიონ 800 ათას ლარს შეადგენს. უახლოეს პერიოდში მთავრობის სხდომაზე უკვე ინვესტორებისათვის დამატებით 4,6 მილიონი ლარის პირგასამტეხლოს პატიების საკითხი განიხილება.
გავრცელებული ინფორმააციით, შეუსრულებელი ვალდებულებებისათვის ჯარიმები ეპატია საქართველოს ვიცე პრემიერის კომპანია “კალა კაპიტალს”.
“კალა კაპიტალის” პროექტს “არსენალს” ათ წელიწადში სამების საკათედრო ტაძრის მიმდებარე ტერიტორიასთან ახლოს 80 ჰექტარზე მინიქალაქი უნდა აეშენებინა. “კალა კაპიტალსა” და სახელმწიფოს შორის გაფორდა ნასყიდობის ხელშეკრულება, რომლის მიხედვითაც, “კალა კაპიტალს” სახელმწიფოსგან ნაყიდი მიწის ნაკვეთის ღირებულება, 38,02 მლნ აშშ დოლარი უნდა გადაეხადა და 2016 წლამდე 700 მლნ აშშ დოლარის ინვესტიცია განეხორციელებინა.
მოარული ხმებით ფეხბურთელ კალაძეს მაშინდელი პრემიერი ზურაბ ნოღაიდელი ლობირებდა. ნოღაიდელის გადადგომის შემდეგ, ეკონომიკური განვითრების სამინისტრომ “კალა კაპიტალი” კონტრაქტის დარღვევაში დაადანაშაულა, რადგან კალაძის კომპანიამ ხელშეკრულებით გაწერილი გრაფიკი დაარღვია და მიწის ნაკვეთის ღირებულების მხოლოდ ნაწილი – 18,01 მლნ აშშ დოლარი გადაიხადა. კალაძის თხოვნას ვალების გადავადებაზე, ეკონომიკური განვითარების სამინისტრომ უარი უთხრა და “კალა კაპიტალს” საჯარიმო სანქციები დაეკისრა, სწორედ ამის გამო გაირბინა შავმა კატამ კალაძესა და სააკაშვილს შორის.
ჯარიმები ეპატია მაგალითად თბილისის უნივერმაღს, რომელიც სააკაშვილის დროს ბრიტანულმა ფინანსურმა ჯგუფმა, იყიდა. ებრაელი მაგნატი ეიალ ოფერი უდგას სათავეში, თბილისი უნივერმაღი ადგილობრივი კერძო მფლობელისგან 22 მილიონ დოლარად შეიძინა.
ათეულობით მილიონი ლარის ჯარიმება ეპატია კომპანია “საირმეს”. საირმის განვითარების კომპანიის” 100%-იანი წილის მფლობელი, საქართველოს პარლამენტის ბაღდათის რაიონის მაჟორიტარი დეპუტატი, ფრაქცია “ნაციონალური მოძრაობის” წევრი, “თეგეტა მოტორსის” ერთ-ერთი მფლობელი თემურ კოხოძე გახლავთ.
507 ათასი ლარის პირგასამტეხლოს გადახდისგან გათავისუფლდნენ სს “შატო მუხრანი” და მისი მფლობელი მამუკა ხაზარაძე. ყველაზე დიდი თანხა, 9 მლმ ლარამდე ეპატია ხაზარაძის “სანატორიუმი-სასტუმრო ოაზისს”.
ასევე, ვალდებულების შესრულების პირობით დაკისრებული ჯარიმისგან გათავისუფლდა კომპანია “ბლექ სი პროდაქტი”, რომელსაც მთავრობამ დაახლოებით 1 მლნ 464 ათას 530 აშშ დოლარის ექვივალენტი ლარში პირგასამტეხლო აპატია. ამ ამერიკულ-ქართიულ კომპონიას სუფსაში პორტი უნდა აეშენებინა და მასზე ინტერნბეტშიც არაა ინფორმაცია.
ჯარიმები ეპატიათ კერძო სასწავლებლებს “რობერ შუმანის სახელობის ევროპული სასწავლებელს”, “მჭევრის დამოუკიდებელი ბიზნეს სკოლას”. “აიბი მთიების” და “თბილისის მწვანე სკოლას”. ეს ყველაფერი ბიზნესის განვითარების სურვილით იხსნება,” _ ნათქვამია პარტიის მიერ გავცელებულ განცხადებაში.
