“გურია ნიუსის” სპეციალური განცხადება

14 ივლისს, თბილისის ფორუმზე  "გურია ნიუსის" სახელით კიდევ ერთი ცრუ ინფორმაცია გავრცელდა, რომელიც ზოგიერთმა სააგენტომ გადაუმოწმებლად გაავრცელა.

"გურია ნიუსის" რედაქცია აცხადებს, რომ სტატია, რომელშიც საუბარია, რომ "შსს- მიერ ამოღებული 2,5 ტონა თხვეადი ჰეროინი, ლაბორატორიული შემოწმების შედეგად ოლიფა აღმოჩნდა" ყალბია.

ეს პირველი შემთხვევა არ არის, როცა ჩვენი სააგენტოს სახელით იქმნება და ფორუმებზე ვრცელდება ცრუ მასალა და მაგრამ კიდევ უფრო საწყენია, როცა ვებ-გვერდები და  სააგენტოები მაშინვე, "ოპერატიულად", ყოველგვარი გადამოწმების გარეშე  "იტაცებენ" "მასალებს"; ზოგიერთი, "ექსკლუზიურობის მიზნით", მასალას მოდიფიცირებას და ინტერპრეტირებას უკეთებს და ისე უწყობს ხელს დეზინფორმაციის, ყალბი ინტერვიუების და ახალი ამბების გავრცელებას.

"გურია ნიუსის" რედაქცია მოუწოდებს საინფორმაციო საშუალებებს ნუ გაავრცელებენ გადაუმოწმებლად ფორუმებზე გავრცელებულ ინფორმაციას.