აღდგომა უდიდესი ქრისტიანული დღესასწაულია, წინ უძღვის 40-დღიანი მარხვა, საეკლესიო სამზადისი, აღსარება და ზიარება, ვნების კვირა.
ესაა ზეიმთა ზეიმი, აღმნიშვნელი მესიის მოვლინებისა, რაზედაც მოსეს ხალხი ეგვიპტის მონობიდან თავის დაღწევის შემდეგ ოცნებობდა, რასაც ბიბლიური წინასწარმეტყველნი ქადაგებდნენ და რაც სინედრიონის ნებით ჯვარცმული ქრისტეს სახით განხორციელდა.
თავდაპირველად მხოლოდ ვნების დღეებს ზეიმობდნენ. მხოლოდ IV საუკუნეში მიეცა აღდგომის დღესასწაულს თანამედროვე სახე.
ნიკეის პირველმა მსოფლიო საეკლესიო კრებამ 325 წელს დაადგინა ზეიმის აღნიშვნა გაზაფხულის ბუნიობის მომდევნო კვირას, იუდეველთა პასექის დასასრულს, უთუოდ მისგან განცალკევებით და კვირის ბოლოს.
ეს ხვდება ახალი სტილით 4 აპრილიდან 8 მაისამდე. ამიტომ განეკუთვნება აღდგომა მოძრავ დღესასწაულებს.
აღდგომის დღესასწაული განსაკუთრებულია მართლმადიდებლებისთვის, ამიტომაც ამ დღის აღსანიშნავად მზადება ყველა ოჯახი ორი კვირით ადრე მაინც იწყებს.
მართმადიდებელი ეკლესია აღდგომის ბრწყინვალე დღესასწაულს წელს 12 აპრილს აღნიშნავს.
აღდგომამდე 13 დღით ადრე "კარიმადამო ჩემი" გთავაზობთ ინტერნეტში მოძიებულ სხვადასხვა სახის დეკორაციებს თქვენი სააღდგომო ინტერიერის გასალამაზებლად.
