გაზეთ "გურია ნიუსის" ორშაბათის ნომერში დაიბეჭდა სტატია სათაურით – "რა ფორმით აჩუქებს გუბერნატორი ჩოხატაურს ოზურგეთის ქონებას", სადაც აღნიშნული იყო, რომ გია სალუქვაძე ჩოხატაურის მუნიციპალიტეტს ნაგავმზიდი მანქანის საჩუქრად გადაცემას დაპირდა. ამ საკითხთან დაკავშირებით გურიის გუბერნატორის კომენტარის ჩაწერა ვერ მოხეხრდა, რადგან ის გასულ კვირას მივლინებით თურქეთში იმყოფებოდა.
აპირებს თუ არა გუბერნატორი ერთი მუნიციპალიტეტის ქონება მეორე მუნიციპალიტეტს საჩუქრად გადასცეს, ერევა თუ არა ის თვითმმართველობის საქმეებში – ამ და სხვა საკითხებზე გია სალუქვაძის პოზიციას ინტერვიუდან შეიტყობთ:
_ბატონო გია, რამდენად შეესაბამება სიმართლეს ის ინფორმაცია, რომ ჩოხატაურის მუნიციპალიტეტს ნაგავმზიდს საჩუქრად გადასცემთ?
_ ვფიქრობ, კარგია ამით პრესა რომ ინტერესდება, მაგრამ იგივე უნდა შეგვეკითხოთ, ბაღის სახურავს რა მეთოლოგიით გადავხურავთ ან ასფალტის რა სისქეზე დავაგებთ?! ეს არის შიდა საქმეები, რომელიც მუნიციპალიტეტის ქონებაა. ამ შემთხვევაში შესაძლებლობის ფარგლებში ჩოხატაურის მუნიციპალიტეტს ოზურგეთის მუნიციპალიტეტისგან დროებით გადაეცა ერთი ნაგავმზიდი და ურნები, ეს მოხდა ბახმაროში საკურორტო სეზონთან დაკავშირებით. ის ნაგავმზიდი, რომელსაც მოიხმარს ჩოხატაურის მუნიციპალიტეტი გუბერნატორი მიიჩნევს, რომ შესაძლებელია დარჩეს ჩოხატაურს იმ შემთხვევაში, თუ ახალ ნაგავმზიდს შევუძენთ ოზურგეთის მუნიციპალიტეტს ან პირიქით.
_ ჩვენს მიერ მოპოვებული ინფორმაციით, თქვენ ოზურგეთის მუნიციპალიტეტთან შეთანხმების გარეშე აპირებთ ამ ნაგავმზიდის გადასცემს, აქედან გამომდინარე მინდა გკითხოთ, ერევით თუ არა ადგილობრივი თვითმმართველობის საქმიანობაში?
_ კიდევ ერთხელ ვხსნი, დიახ, ვერევი თვითმმართველობის საქმიანობაში თუ ეს ჩარევაა. როდესაც სჭირდება ერთ მუნიციპალიტეტს დავუშვათ ნაგავმზიდი, გუბერნატორის თხოვნის საფუძველზე ოზურგეთმა გაითვალისწინა და ათხოვა. აქ საკურორტო სეზონი იყო და მოხდა თხოვება.
_ აქ არის საუბარი, კურორტის დასრულების შემდეგ დაუბრუნდება თუ არა ნაგავმზიდი ოზურგეთის მუნიციპალიტეტს?
_ ან დაუბრუნდება ის მანქანა, რომელიც ოზურგეთის მუნიციპალიტეტის ბალანსზეა ან კიდევ ახალი მანქანის გადაცემა მოხდება. ოზურგეთი არცერთ შემთხვევაში არ დარჩება მანქანის გარეშე. თუ არ ვცდები ეს ჩარევა კი არა, უპირატესობის შემთხვევაში სად შეიძლება კურორტის საკითხის გადაწყვეტა იყო და ვთვლი, რომ ეს იყო სწორი გადაწყვეტილება მუნიციპალიტეტის ხელმძღვანელის და მან ათხოვა, ხოლო გადაცემის შემთხვევა მოხდება იმ შემთხვევაში თუ ახალ მანქანას გადასცემენ ჩოხატაურს ან ოზურგეთის მუნიციპალიტეტს. არანაირი თვითმმართველობის საქმიანობაში მე არ ვერევი, კარგად ვიცი ჩემი ფუნქციები.
_ თქვენ ჩოხატაურის მუნიციპალიტეტის გამგებელმა, ირაკლი კუჭავამ გთხოვათ, რომ ეს ნაგავმზიდი დარჩენილიყო თქვენს საკუთრებაში?
_ ჩოხატაურის მუნიციპალიტეტის გამგებელმა დააყენა საკითხი იმასთან დაკავშირებით, რომ მას სჭირდებოდა ნაგავმზიდი. შესაბამისად, ოზურგეთის მუნიციპალიტეტის გამგეობამ კანონის დაცვით ათხოვა ნაგავმზიდი და ურნები ჩოხატაურის მუნიციპალიტეტს. რაც შეეხება მომავალი სეზონისთვის, მას ეს აღარ სჭირდება ან დარჩება ის მანქანა და მოიხმარს დაბა ჩოხატაური ან შევუძენთ ახალს. მე რას ვერ ვხვდებით იცით? – სად არის აქ ჩემი ჩარევა? გუბერნატორის ფუნქცია ის არის, რომ გურიის ოთხივე მუნიციპალიტეტში განახორციელოს ის პოლიტიკა, რომელიც უპირატესობა ექნება ამა თუ იმ სიტუაციაში, რა თქმა უნდა მუნიციპალიტეტის გადაწყვეტილებით. მე ვერავის ვერ ვაიძულებ და ვერ ვთხოვ, ეს იყო ზოგადი შეთანხმება და მეტი არაფერი.
_ თქვენ ჩოხატაურის, ოზურგეთის და ლანჩხუთის მუნიციპალიტეტის მართვის უფლება გაქვთ?
_ არც ვმართავ მერე.
_ ვისთან გაქვთ მოლაპარაკება დაწყებული ახალი ნაგავმზიდი ოზურგეთის მუნიციპალიტეტის გადმოეცეს?
_ მოგეხსენებათ ამ მანქანების ნაწილი იყიდდა ოზურგეთის მუნიციპალიტეტის გამგეობამ და ნაწილი გადმოეცა მყარი ნარჩენების სააგენტოდან. აქედან გამომდინარე მყარი ნარჩენების სააგენტოსგან ჩვენ გვქონდა შეხვედრა და არის პირობა იმასთან დაკავშირებით ჩოხატაურს და არა მარტო ჩოხატაურს მიიღებს ახალ მანქანას.
