თბილისის მერის მოადგილის ნინო ხატისკაცის ოჯახი მიწის 4 ნაკვეთს, საცხოვრებელ სახლსა და ბინას ფლობს. ამის შესახებ ინფორმაცია ხატისკაცის დეკლარაციაშია აღნიშნული, რომელიც მან 2015 წლის 9 ოქტომბერს შეავსო.
კერძოდ, ნინო ხატისკაცის მეუღლის, კაპიტონ ჟორჟოლიანის 100 %-იანი საკუთრებაა 11000.00 კვ.მ-ის ფართობის მიწის ნაკვეთი მესტიაში, კერძოდ, ჩვიბიანში; ამავე მისამართზე აქვს 3200.00 კვ.მ მიწის ნაკვეთი.
კაპიტონ ჟორჟოლიანია 17000.00 კვ.მ-ის მიწის ნაკვეთის მფლობელი მესტიაში, მულახის თემში.
ჟორჟოლიანი მესტიაში ასევე ფლობს (სეტის მოედანი) 600.00 კვ.მ-ის მიწის ნაკვეთის და ამავე მისამართზე მდებარე სახლის 14%-იან წილს (დანარჩენი წილის მფლობელნი არიან : ირაკლი ჟორჟოლიანი, თეა ჟორჟოლიანი, დავით ჟორჟოლიანი, გიორგი ჟორჟოლიანი, თინა ნაკანი, ელგუჯა ჟორჟოლიანი).
დეკლარაციის მიხედვით, თბილისის მერის მოადგილის 50%-ან მფლობელობაშია თბილისში, ჩუბინაშვილის ქუჩაზე მდებარე 58.00 კვ.მ-ის ფართობის ბინა (დანარჩენი წილის მფლობელია მისი მეუღლე, კაპიტონ ჟორჟოლიანი – 50%).
დეკლარაციის მიხედვით, ხატისკაცის შვილი ანი ხორავა ფლობს (100 %-იანი საკუთრება) "მიცუბიში პაჯერო 1.8 იოს".
რაც შეეხება ოჯახის ფინანსურ მდგომარეობას, დეკლარაციის შევსებისას, ნინო ხატისკაცის სახელფასო ანგარიშზე "ლიბერთი ბანკში" 500.00 ლარი იყო, საკრედიტო ანგარიშზე "საქართველოს ბანკში" – 41000.00 დოლარი, ამავე ბანკში საკრედიტო ანგარიშზე 2789.46 ლარი და მიმდინარე ანგარიშზე კი, – 900.00 ლარი.
კაპიტონ ჟორჟოლიანს "ლიბერთი ბანკში" სახელფასო ანგარიშზე აქვს 10.00 ლარი, ამავე ბანკში საკრედიტო ანგარიშზე – 5000.00 ლარი.
ნინო ხატისკაცის შვილის, კატო ჟორჟოლიანის დეპოზიტზე "ბაზის ბანკში" კი, 973.72 დოლარია.
დეკლარაციის მიხედვით, კაპიტონ ჟორჟოლიანი ნაღდი ფულის სახით 10000.00 ლარს ფლობს.
რაც შეეხება ოჯახის შემოსავლებს ერთი წლის განმავლობაში, დეკლარაციის მიხედვით, მათ 88707,07 ლარი და 6228.54 დოლარი გამოიმუშავეს.
კერძოდ, კაპიტონ ჟორჟოლიანმა მესტიის მუნიციპალიტეტის გამგეობიდან (გამგებლის თანამდებობა) 40709.40 ლარი მიიღო.
ნინო ხატისკაცმა თბილისის მერის მოადგილის თანამდებობიდან – 30238.00 ლარის შემოსავალი;
ხატისკაცს შემოსავლები ასევე მიღებული აქვს რამდენიმე სხვა ორგანიზაციიდანაც.
კერძოდ, "კონსულტაციისა და ტრენინგის ცენტრში" კონსულტანტის თანამდებობიდან მან 3040.00 ლარი მიიღო. "საქართველოს რესპუბლიკურ პარტიაში" საარჩევნო კონსულტანტის მოვალეობის შესრულებიდან 4320.00 ლარი. "მენდეს ინგლენდ ენდ ესოშიეტსში" კონსულტანტის პოზიციიდან 6228.54 დოლარი; ხოლო "ნაციონალიზმისა და კონფლიქტების კვლევის ინსტიტუტში" კონსულტანტის თანამდებობიდან კი – 9549.16 ლარი.
დეკლარაციის მიხედვით, ნინა ხატისკაცს 52 500.00-დოლარიანი იპოთეკური სესხის ხელშეკრულება (20/11/2012, 20/11/2012 – 20/11/2022 ) აქვს დადებული, რისი პროცენტის დასაფარადაც მან 1 წლის განმავლობაში 9162.84 დოლარი გადაიხადა.
5000.00-ლარიანი სამომხმარებლო სესხი (920/05/2015, 20/05/2015 – 19/04/2016 ) აქვს აღებული კაპიტონ ჟორჟოლიანს "ლიბერთი ბანკიდან", თუმცა, დეკლარაციის შევსებისას გასავალი დაფიქსირებული არ ჰქონდა.
აღსანიშნავია, რომ ნინა ხატისკაცის ოჯახი არ ფლობს ძვირადღირებულ ნივთებს და ერთი წლის განმავლობაში არც ფასიანი საჩუქრები მიუღიათ.
