მიმდინარე წელს, ლანჩხუთის მუნიციპალიტეტში სოფლის მხარდაჭერის პროგრამის გასახორციელებლად გამოყოფილი 756 256 ლარი სოფლების მიხედვით, უკვე განაწილებულია. თავიდან აღნიშნული თანხა, მთავრობის განკარგულებით, 800 ათას ლარს აღემატებოდა. თუმცა, საკრებულოს თანხმობით, მიუხედავად ოპოზიციონერ დეპუტატთა კრიტიკისა, ამ თანხას 50 ათასი ლარი ჩამოაკლდა და ინფრასტრუქტურული პროექტების თანადაფინანსებისთვის მიიმართა.
მიუხედავად თანხების განაწილებისა, ჯერჯერობით, გაურკვეველია, სად, რა სამუშაოები და რა პროექტები გახორციელდება. ცნობილია, რომ ჩოჩხათის ადმინისტრაციულ ერთეულში შემავალ ექვს სოფელზე, მთლიანობაში, 70 449 ლარი დაიხარჯება. აქედან, სოფელ შრომისუბანში სოფლის პროგრამიდან 13 927 ლარის ღირებულების სამუშაოები შესრულდება, მოედანში _ 12 306 ლარის, ხორეთში იგივე პროგრამით 8594 ლარის გახარჯვაა გათვალისწინებული, კოკათში _ 5 542 ლარის, გულიანში _ 14 367 ლარის, უშუალოდ ჩოჩხათში კი 15 713 ლარის გახარჯვა იგეგმება პროგრამის ფარგლებში.
შუხუთის ადმინისტრაციაში 41 928 ლარია გამოყოფილი, აქედან ქვემო შუხუთში სამუშაოების საწარმოებლად29 334 ლარია გათვალისწინებული, ხოლო ზემო შუხუთში _ 12 594 ლარი.
ნიგოითის ადმინისტრაციაში, რომელიც ხუთ სოფელს აერთიანებს, სოფლის მხარდაჭერის პროგრამით, 73 811 ლარია გათვალისწინებული. აქედან, სოფელ ქვიანში პროგრამის გახორციელებას 17 377 ლარი მოხმარდება, ჭყონაგორაში იგივე პროგრამიდან 13 795 ლარი დაიხარჯება, ჩოლობარგში _ 14 180 ლარი, სოფელ ჯაპანაში _ 8 385 ლარი, სოფელ ნიგოითში კი _ 15 988 ლარი. ამავე პროგრამით ნიგოითის ადმინისტრაციისთვის განკუთვნილი თანხიდან 4086 ლარი ჯიხეთის სამონასტრო კომპლექსისთვისაა გამიზნული.
აკეთში შემავალი ოთხი სოფლისთვის 45 549 ლარია გათვალისწინებული. ზემო აკეთში 8484 ლარი გაიხარჯება, ქვემო აკეთში _ 15 668 ლარი, გაგურში _ 7382 ლარი, ხოლო ჭანჭათში 14 015 ლარის სამუშაოები შესრულდება.
აცანის ადმინისტრაციისთვის, საერთო ჯამში, 26 424 ლარია გამოყოფილი, საიდანაც უშუალოდ აცანას 14 774 ლარი მოხმარდება, ხოლო ტელმანს _ 11 650 ლარი.
მამათის ადმინისტრაციაში სოფლის პროგრამის თანხები ასე გადანაწილდა: 8704 ლარი ზემო მამათში გაიხარჯება, კონჭკათში _ 8936, შათირში _ 5265 ლარი, ხოლო ქვემო მამათში _ 7679 ლარი.
მაჩხვარეთის ადმინისტრაციაში სულ 28 000 ლარი დაიხარჯება, საიდანაც უშუალოდ მაჩხვარეთში 15 128 ლარის სამუშაოები შესრულდება, ორაგვეში _ 4725 ლარის, ხოლო ჯუნმერეში _ 7304 ლარის.
გვიმბალაურში სოფლის მხარდაჭერის პროგრამით 37 803 ლარის ღირებულების სამუშაოები უნდა შესრულდეს.
ჩიბათის ადმინისტრაციაში სამ ნაწილად იყოფა, თანხები ასე გადანაწილდა: ქვემო ჩიბათი _ 24 032 ლარი, ჭალა _ 12 582 ლარი, ხოლო ზემო ჩიბათი _13 519 ლარი. ლესის ადმინისტრაციაში, რომელიც ორ სოფელს მოიცავს, დაახლოებით, 47 ათასი ლარის დახარჯვა იგეგმება. კერძოდ, უშუალოდ ლესაში 29 168 ლარია გათვალისწინებული, ჭინათში კი _ 17 255 ლარის.
ჯურუყვეთის ადმინისტრაციაში შემავალ სოფელ ბაღლეში, სოფლის პროგრამიდან 12 637 ლარის გახარჯვაა გათვალისწინებული, ეწერზე _ 12 461 ლარის, ხოლო საკუთრივ სოფელ ჯურუყვეთში პროგრამიდან 22533 ლარის სამუშაოები შესრულდება.
ნინოშვილის ადმინისტრაციისთვის 22609 ლარია გათვალისწინებული, აქედან სოფელ ყელაში 8925 ლარი, ხოლო, სოფელ ნინოშვილში 13 684 ლარი დაიხარჯება.
ნიგვზიანის ადმინისტრაციაში სოფლის პროგრამის დასაფინანსებლად თანხები ასე გადანაწილდა: სოფელი ნიგვზიანი _ 26 644 ლარი, ხაჯალია _ 24 969 ლარი, არჩეული _ 12 262 ლარი, ჩანჩეთი _5409 ლარი.
სუფსის ადმინისტრაციაში შემავალ სოფელ ახალსოფელში აღნიშნული პროგრამიდან 15 448 ლარის სამუშაოების შესრულებაა გათვალისწინებული, სოფელ ტაბანათში _ 24 880 ლარის, ჩქუნში _ 5 354 ლარის, ხიდმაღალაზე _ 25 431 ლარის, ხოლო მალთაყვაში _ 4 802 ლარის. რაც შეეხება უშუალოდ სუფსას, იქ 7 282 ლარი უნდა დაიხარჯოს, ხოლო გრიგოლეთში _ 5 905 ლარი.
და ბოლოს, ღრმაღელის ტერიტორიულ ერთეულში სოფლის პროგრამის დასაფინანსებლად 69 161 ლარია გამოყოფილი. აქედან, უშუალოდ ღრმაღელეს, 17 410 ლარი ერგო, წყალწმინდას _ 22 896 ლარი, ხოლო ორმეთსა და ომფარეთს, შესაბამისად, 12 680 და 16 175 ლარი.
