და მოითხოვს, გადადგეს შტაბის ხელმძღვანელობა: _ წინააღმდეგ შემთხვევაში, უკიდურეს ზომებს მივმართავ და თავის დავიწვავ, _ იმუქრება გულნარა ჩიჩუა.
_ ბრალს ვდებ ჩემი შტაბის ხელმძღვანელს გიორგი ხელაძეს იმაში, რომ საარჩევნო კომისია გაივსო ნაციონალებით. მოვითხოვ მან ან დატოვოს დაკავებული თანამდებობა ან შევებრძოლები მას. კოალიციიდან არც ერთი წევრი არ შეიყვანეს საარჩევნო კომისიაში. 18 ადამიანი ჩამომაყვანინეს და არც ერთი არ დანიშნეს. ამას ხელი შეუწყო გოგი ხელაძემ და მთელმა შტაბმა. ყველა ნაციონალი მოხვდა კომისიაში.
_ ვის გულისხმობთ, როდესაც ამბობთ რომ ნაციონალები მოხვდნენ კომისიაშიო?
_ ახლა გამგებელთან შევდივარ და როგორც კი გამოვალ, მთელი სია მექნება ხელში და გადმოგცემთ. თუ გოგი ხელაძე არ დატოვებს შტაბს, შტაბის წინ თავს დავიწვავ. ამას ასე არ დავტოვებ, _ ამბობს გულნარა ჩიჩუა.
შეგახსენებთ, რომ კომისიის თავმჯდომარის, ზვიად ნაკაიძის თქმით, კომისიის წევრები კანონის სრული დაცვით აირჩიეს: _ საოლქოს თითოეულ წევრს სპეციალური ფორმა გადაეცა, სადაც ისინი კონკურსანტებს ხმას აძლევდნენ. ამის შემდეგ პროგრამით ითვლებოდა ხმები და ასე ხდებოდა გამარჯვებულის გამოვლენა, _ გვითხრა ნაკაიძემ.
“გურია ნიუსი” გიორგი ხელაძეს დაუკავშირდა. მისი თქმით ის, რომ კოალიციის არც ერთი წევრი არ მოხვდა საოლქო საარჩევნო კომისიაში, სიმართლე არ არის: _ კოალიციის 4 წევრი აირჩიეს კომისიაში, _ გვითხრა მან, _ ან მე საერთოდ რა შუაში ვარ კომისიის წევრების არჩევასთან, ვერ ვხვდები _ ეს არ არის ჩემი პრეროგატივა. რაც მე გავხდი ხელმძღვანელი, შტაბი გადახალისდა, ახალი ხალხი მოვიყვანეთ, ბევრი ვერ შეეგუა ამას და ცდილობს, სხვადასხვა ხერხით ხელი შეგვიშალოს მუშაობაში, _ გვითხრა გიორგი ხელაძემ.
