“კოდექსი არის უპასუხისმგებლოდ შემუშავებული და ამაზე პასუხის უნდა აგოს დავით ნარმანიამ და დავით უსუფაშვილმა, სწორედ ისინი ლობირებენ ერთობლივად ამ რეფორმას. ნარმანია დაკავებული თანამდებობიდან უნდა გადადგეს, ის შეუფერებელია თავისი თანამდებობისთვის და რამდენად გახდება თბილისის მერი, ამასაც ვნახავთ. თვითმმართველობის კოდექსი შესაძლოა მართლაც გახდეს ქვეყნის სეპარატისტულ ნაწილებად დაყოფის მიზეზი, რადგან მასში ბევრი ისეთი ნორმაა, რომელიც აღნიშნულ პროცესს გარდაუვალს გახდის”.
ქართული დასისი ლიდერი ყურადღებას ამახვილებს კოდექსში ჩადებულ ორ ნორმაზე, რომელიც ნოყიერ ნიადაგს ქმნის სეპარატიზმისთის. მისი თქმით საქართველოს დაშლას ცდილობს არა მარტო რუსეთი, არამედ თურქეთიც.
“რუსეთის გარდა, საქართველოს დაშლას აქტიურად ცდილობს თურქეთიც. თურქული სპეცსამსახურები ყველაზე აქტიურად იქცევიან საქართველოში, განსაკუთრებისთ აჭარასა და ჯავახეთში. ყველამ უნდა გაიგოს, რომ “რესპუბლიკელების” მიერ ინიცირებული კოდექსი ქვეყანას დაშლამდე მიიყვანს. მავანს უნდა ქვეყანა საფეოდალოებად დაშალოს. მერე ფეოდალები მუდამ კინკლაობდნენ. გახსოვთ რა თქვა ივანიშვილმა- მაჟრორიტარები გადაიქცნენ თავის რაიონებში ფეოდალებადო. სწორი შენიშვნაა. თქვენ წარმოიდგენიეთ, პატარა რაიონის მაჟორიტარი იმდენად დიდი იდიოტია, რომ თავი ფეოდალად წარმოუდგენია თავის რაიონში და როცა ასეთ ფეოდალს მივიღებთ რეგიონალურს, თავს წარმოიდგენს მსხვილ ფეოდალად, ეს კი შედეგს გამოიღებს ადვილი გასათვლელი და დასანახია”.
ჯონდი ბაღათურიამ ხაზი გაუსვა რაიონების მუნიციპალიტეტებად დაშლას და განაცხადა, რომ გაზრდილი მუნიციპალიტეტები ფინანსური ხარჯების გაზრდას გამოიწვევს.
“უტვინობით გამოგონებული – რაიონების დაშლა მუნიციპალიტეტებად გამოიწვევს ხარჯების გაზრდას. 63 მუნიციპალიტეტი გავქვს და უნდათ 120-მდე გაზარდონ. ეს დაკავშირებულია ხარჯებთან, წარმოიდგინეთ რამდენი მუქთახორის შენახვა გახდება საჭირო და არც არავინ იძლევა პასუხს რა საჭიროა ეს დაშლა”.
თვითმმართველობის კოდექსი და მასთან არსებული შენიშვნები იყო დღეს “თავისუფალი საქართველოს” ლიდერის კახა კუკავას მსჯელობის საგანიც. კუკავა აცხადებს, რომ აღნიშნული კანონპროექტის მიღების შემთხვევაში ქვეყანაში უმართავი პროცესები დაიწყება და აუცილებელია ეს კოდექსი გამოწვეული იქნეს პარლამენტიდან.
“არასაპარლამენტო ოპოზიციური პარტიები და სამოქალაქო საზოგადოება ეთანხმება პატრიარქის პოზიციას. აღნიშნული კანონპროექტის მიღების შემთხვევაში, საქართველოში უმართავი პროცესები დაიწყება და ქვეყანას შიდა არეულობის საფრთხე ემუქრება. ამის გაგება არ უნდა “რესპუბლიკურ პარტიას” ამიტომა, ყველაფერი უნდა ვიღონოთ, რათა ეს კოდექსი გამოწვეულ იქნას პარლამენტიდან”.
