ცვლილების თანახმად, “საჯარო სამსახურში ინტერესთა შეუთავსებლობისა და კორუფციის შესახებ” საქართველოს კანონის მე-2 მუხლს ემატება მე-2 პუნქტი, რომლის თანახმად, ადგილობრივი თვითმმართველობის მოხელის იმ თანამდებობაზე, რომელიც კონკურსის წესით უნდა შეივსოს, კონკურსი ტარდება არაუგვიანეს 2014 წლის 31 ოქტომბრისა. კომიტეტის წევრებს რედაქციული ხასიათის შენიშვნები არ გამოუთქვამთ და მის პლენარულ სხდომაზე განსახილველად გატანას მხარი ერთხმად დაუჭირეს.
