“ბახმაროს” ეფექტური და შედეგიანი გამარჯვება

(გურია ნიუსი, ჩოხატაური) 29  ოქტომბერს , ბორის პაიჭაძის სახელობის ჩოხატაურის ცენტრალურ სტადიონზე საქართველოს ჩემპიონატის მეორე ლიგის მატჩი გაიმართა ადგილობრივ "ბახმაროსა" და თერჯოლის "საპოვნელას" შორის.  მასპინძლებმა პირველი ტაიმი აქტიურად დაიწყეს და სტადიონზე შეკრებილ გულშემატკივარს სანახაობრივი და შემტევი ფეხბურთიო შესთავაზეს. ანგარიში "ბახმაროს" ლეგიონერმა ბობომ გახსნა 22 წუთზე, თანაგუნდელის გამოზომილი პასის შემდეგ იგი მეკარესთან პირისპირ აღმოჩნდა და ამ უკანასკნელს თავზე გადაუგდო ბურთი. პირველი ტაიმის მიწურულს მასპინძელთა უპირატესობა სოლიდური გახდა _ ჯერ ლაშა ციცვიძემ ფლანგიდან სოლორეიდის შემდეგ  მეორმოცე  წუთზე სუპერგოლი გაიტანა ხოლო  ლომთათიძემ 42 წუთზე ანგარიში სამამდე გაზარდა. ასეთი დასაწყისის შემდეგ თითქოს თამაშში ინტრიგა უნდა მომკვდარიყო თუმცა სტუმრები ასე არ ფიქრობდნენ. "საპოვნელას" ფეხბურთელებმა ტაიმის ბოლო წუთებზე სათამაშო უპირატესობა მოიპოვეს, რამდენჯერმე სახიფათოდაც შეუტიეს  და "ბახმაროს" მეკარემ რამდენიმე ურთულესი ბურთის მოგერიებაც მოახერხა, თუმცა სტუმრებმა  44 წუთზე გოლის გატანაც მაინც მოახერხეს და პირველი ტაიმი 3:1 დასრულდა.
მეორე ტაიმიც გარდამავალი უპირატესობით წარიმართა, სტუმრები მატჩის გადარჩენას ხოლო მასპინძლები ანგარიშის შენარჩუნებას ცდილობდნენ და კონტრშეტევებზე ააგეს თამაში. თუმცა მატჩის ბოლო წუთებზე  "ბახმაროელებმა" მაინც ანერვიულეს გულშემატკივარი. 85 წუთზე სტანდარტული მდგომარეობის გათამაშების მერე "საპოვნელას" თავდამსხმელმა ანგარიში მინიმუმამდე შეამცირა და თანაგუნდელებს მატჩის გადარჩენის იმედი ჩაუსახა, თუმცა, ამაოდ, ამ თამაშში საბოლოო სიტყვა "ბახმაროს" კოტდივუარელმა ბომბარდირმა თქვა_ 87 წუთზე ბიძინაშვილის პასის შემდეგ ამ წრეში მეთოთხმეტედ აიღო მეტოქის კარი და საბოლოო ანგარიშიც დააფიქსირა_  4: 2 . ამ ანგარიშით დასრულდა ჩოხატაურის "ბახმაროსა და "საპოვნელას" შეხვედრა. მასპინძლებმა საჭირო სამი ქულაც მოიპოვეს და გულშემატკივარსაც ლამაზი ფეხბურთი უჩვენეს. ჩოხატაურელები მომდევნო მატჩს, 6 ნოემბერს, სტუმრად წყალტუბოს "სამგურალთან" ჩაატარებენ.