"გურია ნიუსის" წყაროს ინფორმაციით, შსს გურიის სამხარეო პოლიციაში ყოფილი უფროსის გიორგი მდინარაძის კადრების გათავისუფლება დაიწყო.
შსს გურიის სამხარეო მთავარი სამმართველოს უფროსის მოადგილე ლაშა ბაკურაძე, ოზურგეთის რაიონული სამმართველოს უფროსი გიორგი გაფრინდაშვილი და ჩოხტაურის რაიონული სამმართველოს უფროსი ირაკლი შავიშვილი თანამდებობიდან გაათავისუფლეს.
აღნიშნული პიროვნებები თანამდებობაზე მდინარაძემ დანიშნა და დღემდე მისი გუნდის წევრებად მოიაზრებოდნენ.
უფრო მეტიც _ ჩოხატაურის რაიონული სამმართველოს უფროსი ირაკლი შავიშვილი მდინარაძის ნათესავია.
როგორც გვითხრეს ბაკურაძის, გაფრინდაშვილის და შავიშვილის გათავისუფლება, სამმართველოს ახალ უფროსს გუშინ მოსთხოვეს:
_ გუშინ სასწრაფოდ შსს სამინისტროში გამოიძახეს შსს გურიის სამახრეო მთავარი სამმართველოს ახალი უფროსი კობა ცერცვაძე და აღნიშნული პიროვნებების გათავისუფლების შესახებ ბრძანებების დაწერა მოთხოვეს, _ გვითხრა წყარომ.
რას გადააყოლეს შსს გურიის სამხარეო მთავარი სამმართველოს ყოფილი უფროსი გიორგი მდიანარაძე და მისი გუნდი, არის თუ არა დაპირისპირება ძალოვანი სტრუქტურების სხვადასხვა სამსახურების უფროსებს შორის და რა ხდება გურიის სამხარეო პოლიციის მტავარ სამმართველოში "გურია ნიუსი" მკითხველს მალე უამბობს.
