როგორც ასპირანტ ქვეყანას, საქართველოს გააჩნია ყველა ის ინსტრუმენტი, რომ მოემზადოს ნატო-ს წევრობისთვის. ნატო ერთგულია საქართველოს გაუწიოს მხარდაჭერა ამ გზაზე, _ ამის შესახებ ნატო-ს გენერალურმა მდივანმა იენს სტონტელბერგმა ნატო-საქართველოს კომისიის სხდომაზე განაცხადა.
"მინდა ხაზი გავუსვა იმ მიღწევებს, რომელიც წინა წლებში ჰქონდა საქართველოს, ასევე ხაზი გავუსვა იმ მსხვერპლს, რომელიც საქართველოს სამხედრო მოსამსახურეებმა გაიღეს საერთო უსაფრთხოების მიღწევისათვის. 2008 წელს შეიქმნა ნატო-საქართველოს კომისია და ეს გახლავთ ფორუმი მიმდინარე დიალოგისთვის და თანამშრომლობის პლატფორმა საქართველო-ნატო-ს შორის.
კომისია განიხილავს სხვადასხვა საკითხების ფარო წრეს, რომელშიც ასევე შესულია შავი ზღვის უსაფრთხოების თემები და ბოლო დროს განვითარებული მოვლენები ჩრდილოატლანტიკური უსაფრთხოების ჭრილში. ჩვენ ასევე განვიხილავთ იმ პროგრესს, რომელიც მიღწეულია ნატო-საქართველოს არსებითი პაკეტის განხორციელებაში. ეს გახლავთ ინიციატივა, რომელიც ძალაში 2013 წელს, ნატო-ს უელსის სამიტზე შევიდა, შემდეგ კი მას კიდევ ერთხელ ხაზი გაესვა ნატო-ს ვარშავის სამიტზე.
ჩვენ დავამტკიცეთ დამატებითი ზომები, რათა უფრო გავაძლიეროთ ჩვენი თანამშრომლობა. როგორც ასპირანტ ქვეყანას, საქართველოს გააჩნია ყველა ის ინსტრუმენტი, რომ მოემზადოს ნატო-ს წევრობისთვის. ნატო ერთგულია საქართველოს გაუწიოს მხარდაჭერა ამ გზაზე", _ აღნიშნა სტონტელბერგმა.
სასტუმრო „რედისონში“ ნატო-საქართველოს კომისიის სხდომა ამ წუთებშიც მიმდინარეობს. სხდომას ნატო-ს გენერალური მდივანი იენს სტოლტენბერგი და საქართველოს პრემიერ-მინისტრი გიორგი კვირიკაშვილი ხელმძღვანელობენ.
