გერმანელი ასტროლოგები მარია ტუნი და მათიას კატუნი ბევრს მუშაობდნენ თესვის დღეების კალენდარსა და მერე მის გამოყენებაზე წარმატებული სამეურნეო საქმიანობის (ხვნა-თესვის, მებაღეობა-მებოსტნეობის, მეფუტკრეობის, მეყვავილეობის, მეტყევეობის და ა.შ.) მიღწევისთვის. ამასთანავე სერიოზულად იკვლევდნენ კულტურული მცენარეების და კოსმიური გარემოს ურთიერთკავშირს.
მოკვლევას იწყებენ ასე: თუ ერთი სახეობის მცენარეები, რომლებიც სხვადასხვა დროს დავთესეთ ან დავრგეთ, ასევე სხვადასხვანაირად იზრდებიან და ვითარდებიან, ასეთ დროს ჩნდება კითხვები თუ რომელი სასუქი, რა რაოდენობით იქნა შეტანილი ნაკვეთში; როგორია თესლი, არის თუ არა იმავე მოსავლის; გასულ წელს იმავე სახეობის მცენარეები სხვადასხვა ნაკვეთში თუ ეთესა, როგორია მოსავალი; სხვადასხვა ნაკვეთში მცენარეები ერთმა ადამიანმა დათესა და დარგო თუ სხვამაც მიიღო მონაწილეობა.
როცა ამ კითხვებზე ყველა პასუხი დადებითია და ამ მცენარეებში მაინც არის განსხვავებული ნიშნები, მაშინ ამ საინტერესო ფენომენის გამოსავლენად, აქცენტი უნდა გავაკეთოთ "დროზე" და რაკი დროზე ჩამოვარდა ლაპარაკი, ე.ი. საქმე გვაქვს კოსმიურ გარემოსთან. ამ რიტმების არსებობა არ არის ადამიანის ცნობიერების ნაყოფი და იმაზე დამოკიდებული, გვინდა ისინი ჩვენ თუ არა. დრო რიტმებშია გახორციელებული. დღის მოცულობა კანონზომიერად რომ მეორდება, დედამიწის ბრუნვით განისაზღვრება და ამ ბრუნვის შედეგია. მზე ყოველდღე ამოდის და ჩადის. ამ დროს ადამიანის გონი, იმის მიხედვით, ძინავს მას თუ ღვიძავს, სხვადასხვანაირად მოქმედებს. მცენარეთათვის ეს გამოიხატება იმაში, რომ ისინი სასიცოცხლო ძალებს დილით, შუადღით ღებულობენ. ასიმილაცია და სუნთქვა სხვადასხვანაირია. თუ ერთნაირ მცენარეებს მოვჭრით დღის სხვადასხვა დროს, შევინახავთ მათ გრილად და დღის განმავლობაში მათ ქცევას დავაკვირდებით, ამ სხვადასხვა დროს მოჭრილ მცენარეებზე უეჭველად აღმოვაჩენთ დღის განმავლობაში მიღებული რიტმების ზეგავლენას.
სხვა პროცესები განპირობებულია მზის, მთვარის თუ სხვა პლანეტის ზოდიაქოს სხვადასხვა თანავარსკვლავედთან მიმართებით. ეს პლანეტები ყოველ ცალკეულ პოზიციაში აგზავნიან იმპულსებს დედამიწაზე და ზემოქმედებენ მასზე. გარდა ამისა, მზის, მთვარის და პლანეტების კონსტელაციების მეოხებით წარმოიქმნებიან ცვალებადი კოსმიური ურთიერთობები, რომლებიც კლასიკური ელემენტების: მიწის, წყლის, ჰაერის და ცეცხლის _ გავლით დედამიწამდე, შემდეგ კი მცენარეებამდე და ცხოველებამდე აღწევენ და მათში სხვადასხვაგვარ რეაქციებს იწვევენ. ზოგიერთი კონსტელაცია ძლიერ ზეგავლენას ახდენს მცენარეთა განვითარებაზე, სხვები ანელებენ მათ შინაგან იმპულსებს. მცენარე ნაწილობრივ სრულიად სპეციფიკურად გრძნობს თავს პლანეტებისეულ ძალებთან კავშირში.
