ახალი კვლევის მიხედვით, რომელიც ჟურნალ Lancet–ში გამოქვეყნდა, კორონავირუსი ადამიანის ინტელექტის დონეზე ნეგატიურ გავლენას ახდენს და უფრო მეტიც, სულ უფრო იზრდება შეშფოთება იმის შესახებ, რომ იმ პაციენტებს, რომლებიც კორონავირუსს ხანგრძლივი პერიოდის განმავლობაში ებრძოდნენ, ნევროლოგიური პრობლემები უვითარდებათ.
როგორც ცნობილია, კვლევა მიზნად ისახავდა იმის დადგენას უკავშირდება თუ არა კოგნიტიური მაჩვენებლების გაუარესება კორონავირუსს, რადგან კოვიდგადატნილი ადამიანების უმეტესობა მეხსიერების გაუარესებასა და კონცენტრაციის დაკარგვას უჩივის.
გარდა ამისა, მეცნიერები ამბობენ, რომ ყნოსვის დაკარგვა, რაც კორონავირუსის ერთ-ერთი სიმპტომია, ცენტრალური ნერვული სისტემის მუშაობის დარღვევას უკავშირდება.
დასკვნის მიხედვით, ადამიანები, რომლებიც გამოჯანმრთელდნენ კორონავირუსისგან, მათ შორის მათაც, რომლებიც ინფიცირებულები იყვნენ, მაგრამ ვირუსი უსიმპტომოდ ჰქონდათ მნიშვნელოვან შემეცნებით დეფიციტს განიცდიან.
როგორც ცნობილია, კვლევაში მონაწილეობა 81 337-მა ადამიანმა მიიღო,მათ შორის კორონავირუსი 12 689 ადამიანს აქვს გადატანილი. 2020 წლის იანვრიდან დეკემბრამდე მათ ინტელექტის დონის დასადგენი ტესტი Great British Intelligence გაიარეს.
მეცნიერებმა კოვიდგადატანილების შედეგები კვლევის ჯანმრთელი მონაწილეების მონაცემებს შეადარეს. გაითვალისწინეს ისეთი ფაქტორები, როგორიცაა სქესი, ასაკი, განათლების დონე და ა.შ.
დადგინდა, რომ კოვიდგადატანილებმა შესამჩნევი კოგნიტიური დეფიციტი აჩვენეს – ტესტი მათზე უარესად გაიარეს, ვისაც კოვიდ-19 არ ჰქონია. ყველაზე დიდი პრობლემა კი მათ შორის დაფიქსირდა, ვინც დაავადების დროს საავადმყოფოში მკურნალობდა.
გავრცელებული ინფორმაციით, პრობელემებმა თავი ისეთი დავალებების შესრულებისას იჩინა, რასაც სჭირდებოდა მსჯელობა, დამახსოვრება, დაგეგმვა, გადაწყვეტილების მიღება.
