დღეს, ტოკიოს ოლიმპიადაზე დასრულდა ძიუდოს ტურნირი ინდივიდუალურ პროგრამაში. ხვალ გაიმართება გუნდური შეჯიბრი, სადაც თითოეული გუნდიდან 3 ქალი და 3 კაცი იასპარეზებს. სამწუხაროდ, ამ შეცვლილი რეგლამენტის გამო ჩვენი გუნდი მონაწილეობას ვერ მიიღებს, რადგან ქალთა გუნდის ორ წონაში წარმომადგენელი არ გვყავს.
რაც შეეხება ვაჟთა გუნდის გამოსვლას ინდივიდუალურ შეჯიბრში, ბევრი ექსპერტის აზრით ასეთი კარგი გუნდი ოლიმპიდაზე ჯერ არ გვყოლია. ლაშა გუჯეჯიანის გაწვრთნილმა ბიჭებმა, 7 წონიდან 5 შემთხვევაში მოახერხეს და 1/2 ფინალში გააღწიეს. ერთი ოქროს მედალი ლაშა ბექაურმა მოიგო (-90კგ.), ხოლო ვერცხლის მედლებს დასჯერდნენ ვაჟა მარგველაშვილი (-66 კგ.), ლაშა შავდათუაშვილი (-73კგ.) და გურამ თუშიშვილი (+100 კგ.). აქამდე ძიუდოს გუნდს ყველაზე მეტი, 2 მედალი ჰქონდა მოპოვებული ერთ ოლიმპიადაზე. ძალიან დასანანია, რომ გუნდური შეჯიბრი მხოლოდ ვაჟებს შორის აღარ იმართება, თორემ ერთ-ერთი მთავარი ფავორიტი სწორედ საქართველოს ნაკრები იქნებოდა.
მედლების რაოდენობით ჩვენი ნაკრები, კაცთა შორის გუნდურ ჩათვლაში, მხოლოდ მასპინძელ იაპონიას ჩამორჩა, რომელიც როგორც კაცებში, ისე ქალებში თითქმის ყველა წონაში დომინირებდა და ჯამში 11 მედალი აიღო. ქალთა ტურნირზე აღებული მედლებით ჩვენს ნაკრებს მხოლოდ კოსოვომ და საფრანგეთმა გაუსწრო და საერთო ჯამში ჩვენმა ნაკრებმა მე-4 ადგილზე დაასრულა გამოსვლა.
ამრიგად, საერთო ჯამში საქართველოს ოლიმპიურ ნაკრებს ჯერ-ჯერობით 4 მედალი აქვს მოპოვებული. დაველოდოთ მძლეოსნების, მოჭიდავეების და სხვა ქართველი სპორტსმენების გამოსვლას. იმედია კიდევ 4 ან მეტი მედლის მოპოვებას შევძლებთ, აქამდე ყველაზე მეტი 7 მედალი გვაქ მოპოვებული ერთ ოლიმპიადაზე.
[sexy_author_bio]
