2024 წლის 21 მარტს, „დინამო არენაზე“ საქართველოს ნაკრები „ევრო 2024“-ის უმნიშვნელოვანეს მატჩს გამართავს – ფლეი-ოფის ნახევარფინალში ლუქსემბურგს უმასპინძლებს. ევროპის ჩემპიონატზე მოსახვედრად საჭიროა ამ მატჩის და შემდეგ ფინალის (26 მარტს) მოგება. მეორე ნახევარფინალურ შეხვედრაში ათენში ერთმანეთს საბერძნეთი და ყაზახეთი შეხვდებიან. ფინალური მატჩის ადგილი 23 ნოემბერს წილისყრით გადაწყდება.
ოფიციალურად დადასტურდა რომ ხვიჩა კვარაცხელია „ევრო 2024“-ის ფლეი ოფის ნახევარფინალში დისკვალიფიკაციის გამო ვერ ითამაშებს. სამი ყვითელი ბარათის გამო კვარაცხელია მომდევნო მატჩს გამოტოვებს, რომელიც 21 მარტს, ფლეი-ოფის ნახევარფინალში შედგება.
კვარაცხელიამ ყვითელი ბარათები შესარჩევ ციკლში ესპანეთთან, შოტლანდიასთან და ისევ ესპანეთთან (სტუმრად) მიიღო.
ხვიჩა კვარაცხელია „ნაპოლიში“ ერთ-ერთი ყველაზე დაბალანაზღაურებადია, მხოლოდ 1.2 მილიონ ევროს იღებს, რაც სრული ნონსენსია. გამოცემამ „კორიერე დელო სპორტმა“ გაავრცელა ინფორმაცია, რომ მხარეები შეთანხმებასთან ახლოს არიან, ხოლო ცნობილმა იტალიელმა ჟურნალისტმა ნიკოლო სკირამ „ტვიტერზე“ გაავრცელა ინფორმაცია, რომ სულ მალე ქართველ თავდამსხმელს ხელშეკრულებას 2028 წლის ზაფხულამდე გაუგრძელებენ, ხელფასს კი 4 მილიონამდე გაუზრდიან.
შოტლანდიასთან და ესპანეთთან ხვიჩა კვარაცხელიამ შესანიშნავად ითამაშა. იტალიური მედია ქართველის ასეთ თამაშს უკვე გამოეხმაურა.
„გაძეტა დელო სპორტმა“ დაწერა, რომ ნეაპოლური კლუბის ახალმა თავკაცმა მაძარიმ პირველ რიგში კვარას კარგ ხასიათზე დაბრუნება უნდა სცადოს:
„ნაკრებში ორ მატჩში სამი გოლი გაიტანა: ეს საუკეთესო სავიზიტო ბარათია, რომლითაც ხვიჩა კვარაცხელია ახალ მწვრთნელს კასტელ ვოლტურნოში გაეცნობა. მაძარიც სიამოვნებით შეხვდება თავის „დამატებით კაცს“, მას, ვინც სხვებზე მეტად უნდა გადაჭრას გუნდის პრობლემები თავისი კლასით. ოთხ დღეში ჩატარებული ორი მატჩის გამო მისი ფიზიკური მდგომარეობის შეფასება იქნება საჭირო, მაგრამ პირველ რიგში, ქართველს თავისუფალმა გონებამ უნდა დაუბრუნოს ის ღიმილი, რომელიც “აძურიში” ცოტა ხნის წინ დაკარგა“.
გუშინ გამოცემამ „Corriere dello Sport“ საინტერესო ინფორმაცია გაავრცელა. მისი ჟურნალისტების მტკიცებით, თუ მალე „ნაპოლი“ ქართველს გაუმჯობესებულ ხელშეკრულებას არ შესთავაზებს, სამი ევროპული გრანდი მის ტრანსფერზე მუშაობას დაიწყებს.
გამოცემის ინფორმაციით, კვარაცხელიას გადაბირებით მადრიდის „რეალი“, „ბარსელონა“ და „ბაიერნი“ ინტერესდებიან.
„კვარაცხელია ფანტასტიკურად თამაშს აგრძელებს. ის არის „მოქანდაკე“, რომელსაც „ნაპოლისთან“ კონტრაქტი 2027 წლამდე აკავშირებს. მისი ხელფასი ყოველწლიურად 1.2 მილიონ ევროს შეადგენს, რაც მუდმივად განხილვის თემაა.
მხარეები ახალ კონტრაქტზე მუშაობას გასულ ზაფხულს გეგმავდნენ, მოლაპარაკებები ახლაც მიმდინარეობს, თუ ახალ ხელშეკრულებაზე შეთანხმება ვერ შედგება, საქმეში „ბაიერნი“, მადრიდის „რეალი“ და „ბარსელონა“ ჩაერთვებიან“, – დაწერა გამოცემამ.
ხვიჩა კვარაცხელია საქართველოს ნაკრების ყველა დროის ბომბარდირობისკენ დიდი ტემპით მიიწევს. მიუხედავად იმისა, რომ ჯერ შოთა არველაძის რეკორდამდე (26 გოლი) მაინც შორია, კვარაცხელიას ამ რეკორდის მოხსნა უახლოეს წლებში ნამდვილად შეუძლია.
ესპანეთთან გოლით კვარა უკვე სამეულში. მას 28 სანაკრებო შეხვედრაში 15 გოლი აქვს გატანილი (პლუს 7 საგოლე პასი) და ალექსანდრე იაშვილს დაეწია, რომელსაც ასევე 15 გოლი აქვს ეროვნულ ნაკრებში. წინ მხოლოდ შოთა არველაძე (26) და თემურ ქეცბაია (17) არიან. წესით, ხვიჩა ქეცბაიას ძალიან მალე გადაასწრებს.
კვარაცხელიას ეროვნულ ნაკრებში დებიუტი 2020 წელს ჰქონდა. მას საქართველოს ნაკრებში თამაშში საშუალოდ 0.54 გოლი გააქვს, ყველა დროის ბომბარდირის, შოთა არველაძის მაჩვენებელი ამ მხრივ 0.43-ია.
ცნობილი გახდა, რომ „ნაპოლი“ „რეალის“ ცენტრალური მცველის, ნაჩო ფერნანდესის გადაბირებას შეეცდება.
ცნობილი გახდა რომ ნეაპოლურ კლუბს ზაფხულის სატრანსფერო ფანჯარაზე ცენტრალური მცველის შეძენა სურს.
გამოცდილ ესპანელ მცველს მიმდინარე სეზონის ბოლოს „რეალთან“ ხელშეკრულება ეწურება, რომელიც დიდი ალბათობით, აღარ გაგრძელდება.
ავტორი
