დღეს, 22 თებერვალს ევროკავშირი ავრცელებს იმ სფეროების ჩამონათვალს, რა მიმართულებებითაც ევროკავშირი რუსეთისთვის სანქციებს დააწესებს. – ერთობლივ განცხადებას ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი, შარლ მიშელი ავრცელებენ.
დოკუმენტის მიხედვით, ევროკავშირის უმაღლესი წარმომადგენლის საგარეო საქმეთა და უშიშროების პოლიტიკის სფეროში, ჯოზეფ ბორელი და საგარეო საქმეთა მინისტრები რუსეთისთვის დასაწესებელ სანქციების განხილვა დღეს, 16:00 საათზე დაიწყო.
,,რუსეთის ფედერაციის გადაწყვეტილება, უკრაინის დონეცკის და ლუგანსკის ოლქების ნაწილების დამოუკიდებლობა გამოეცხადებინათ და იქ ჩარები გაეგზავნათ, უკანონო და მიუღებელია. ის არღვევს საერთაშორისო სამართალს, უკრაინის ტერიტორიულ მთლიანობასა და სუვერენიტეტს, რუსეთის საერთაშორისო ვალდებულებებს და კრიზისის უფრო მეტად აღვივებს.
ორივე პრეზიდენტი მიესალმება წევრი სახელმწიფოების ურყევ ერთიანობას და მათ გადაწყვეტილებას, რეაგირება მოახდინონ რუსეთის უკანონო ქმედებებზე მჭიდრო კოორდინაციით საერთაშორისო პარტნიორებთან”, – ნათქვამია ერთობლივ განცხადებაში განცხადებაში
ევროკავშირის სანქციების პაკეტი მოიცავს:
- უკანონო გადაწყვეტილებასთან დაკავშირებული პირების მიზანში ამოღებას
- იმ ბანკების მიზანში ამოღებას, რომლებიც აფინანსებენ რუსეთის არმიას და სხვა ოპერაციებს ამ ტერიტორიებზე
- ევროკავშირის კაპიტალის და ფინანსურ ბაზრებზე რუსეთის სახელმწიფოს და მთავრობის წვდომის მიზანში ამოღებას, რათა შეიზღუდოს ესკალაციის გამომწვევი და აგრესიული მოქმედებები.
- ორი სეპარატისტული რეგიონებიდან ევროკავშირთან ვაჭრობის მიზანში ამოღებას, რათა უკანონო და აგრესიულ ქმედებებზე პასუხისმგებელმა პირებმა საკუთარი მოქმედების ეკონომიკური შედეგები იგრძნონ
,,ევროკავშირი მომზადდა და მზად არის მიიღოს დამატებითი ზომები შემდგომ ეტაპზე, საჭიროების შემთხვევაში, შემდგომი განვითარებების ფონზე.
უმაღლესი წარმომადგენლის მიერ მხარდაჭერილი ორივე პრეზიდენტი აგრძელებს ადგილზე განვითარებულ მოვლენებს და კონსულტაციებს ევროკავშირის თანამემამულე ლიდერებთან და საერთაშორისო კოლეგებთან.
კავშირი რჩება სრულ სოლიდარობაში უკრაინასთან და გაერთიანებულია მისი სუვერენიტეტისა და ტერიტორიული მთლიანობის მხარდასაჭერად.
ჩვენ გვერდით ვდგავართ და გავაგრძელებთ უკრაინისა და მისი ხალხის მხარდაჭერას.“ – ნათქვამია ერთობლივ განცხადებაში
ცნობისთვის, გერმანიის კანცლერის, ოლაფ შოლცის თქმით, გაზსადენი ჩრდილოეთის ნაკადი 2-ის პროექტის წინსვლა უკრაინის კრიზისის ფონზე ვერ გაგრძელდება. მისი თქმით, გაზსადენის დამტკიცების პროცესი დროებით შეჩერებულია.
შოლცმა აღნიშნა, რომ გერმანიამ დაიწყო ნაბიჯების გადადგმა გაზსადენი სერტიფიკაციის შეჩერებასთან დაკავშირებით. მან ჟურნალისტებთან აღნიშნა, რომ ეს არის პასუხი უკრაინაში რუსეთის ქმედებებთან დაკავშირებით.
შეგახსენებთ, რომ 21 თებერვალს რუსეთის პრეზიდენტმა პუტინმა ოკუპირებული დონეცკის და ლუგანსკის ე.წ დამოუკიდებლობა აღიარა. მან ოკუპირებულ ტერიტორიაზე ჯარების შეყვანის ბრძანებაც გასცა. ბრძანებაში ნათქვამია, რომ ტერიტორიაზე ჯარები “მშვიდობის დამყარების მიზნით” შეჰყავთ.
[sexy_author_bio]
