რეკომენდაციები მშობლებისთვის – რა უნდა ვიცოდეთ და როდის არ უნდა გავუშვათ მოსწავლე სკოლაში

 საჯარო სკოლების ფეისბუქგვერდზე მშობლებისთვის რეკომენდაციები ვრცელდება, რომელსაც “გურია ნიუსი“ უცვლელად გთავაზობთ.

“1. თუ მოსწავლეს აღენიშნება ცემინება, ხველა (რესპირატორული დაავადების ნიშნები) არ გაუშვათ სკოლაში, დაუკავშირდით დამრიგებელს და შეატყობინეთ სკოლაში არ ყოფნის მიზეზი. აუცილებლად მიმართეთ ოჯახის ექიმს, რათა სკოლაში დაბრუნებისას წარმოადგინოთ სამედიცინო ცნობა;
2. მოსწავლეს გამოატანეთ საკუთარი სუფთა და მარკირებული (სახელი, გვარი) ბოთლი სასმელი წყლით.
3. ესაუბრეთ შვილებს დისტანციის დაცვის შესახებ (მასწავლებლებთან და თანაკლასელებთან);
4. ესაუბრეთ შვილებს დაიცვან პირადი ჰიგიენის წესები;
5. სკოლა აღჭურვილია სადეზინფექციო საშუალებებით (დისპენსერი, თავდახურული კონტეინერებით, ხელსაწმენდები სითხეები. შვილებს ესაუბრეთ, მოუფრთხილდნენ აღნიშნულ ნივთებს.
6. იმ შემთხვევაში თუ მოსწავლეს დაუდგინდება ცხელება, რესპირატორული დაავადების სიმპტომები, მოხდება მისი გადაყვანა საიზოლაციო ოთახში და დაკავშირებისას დროულად გაიყვანეთ მოსწავლე სკოლიდან და უზრუნველყავით მიმართვა ოჯახის ექიმთან.
7. მოსწავლეს სახლიდან საკვები გამოატანეთ სპეციალური კონტეინერებით.
8. მშობელი ვერ შემოვა სკოლის შენობაში.
9. შემოსასვლელში ყველა მოსწავლეს გაუზომავენ ტემპერატურას და ხელებს დაიმუშავებენ სადეზინფექციო ხსნარით.
10. საკლასო ოთახებში მერხები დალაგებულია დისტანციის დაცვით, სკოლა მომარაგებულია ჰიგიენური საშუალებებით. მერხები დაწმენდილი და დამუშავებული იქნება სპეციალური ხსნარებით, ყველა სამ საათში მოხდება ზედაპირების დამუშავება სპეციალური ხსნარით ყველა მოსწავლეს უნდა ჰქონდეს გაკვეთილისთვის საჭირო ნივთები, არქონის შემთხვევაში არ შეიძლება სხვისგან ითხოვოს (არ შეიძლება ასევე საკვების განაწილება, ანუ სხვისას არაფერს არ უნდა შეეხონ)
11. გაკვეთილები იქნება 35-წუთიანი შესვენება 10 წუთი.
12. გოგონებმა თმები აუცილებლად უნდა შეიკრან.
13. ამ ეტაპზე არ შეიძლება მშობელთა კრებები, კონტაქტი გვექნება დისტანციურად (სატელეფონო ზარით ან ელექტრონულად) .
14. სკოლაში ზუსტად აღირიცხება აუცილებელი ვიზიტები.
15. მასწავლებელი დავალებას შეამოწმებს ჩამოვლით, თუმცა ვერ დაწერს კომენტარს, რადგან ყოველ რვეულთან შეხება ორმხრივად საფრთხის შემცველია.
16. ძნელია,მაგრამ ერთად ავუხსნათ და დავარიგოთ ბავშვები, რომ დასვენებაზეც დაიცვან ერთმანეთთან დისტანცია და ისე იკონტაქტონ.

 17. გაუქმებულია საზეიმო ღონისძიებები.“