თუ ყველა გავიკეთებთ ნიღაბს, შემცირდება თუ არა პანდემია_ ამ სათაურით აქვეყნებს სტატიას Sciencemag.
COVID-19-ის გავრცელების გამო ხალხი ქირურგიული ნიღბების შეძენას ყველგან ცდილობს. ჯანდაცვის ოფიციალური პირები შეშფოთებულები იყვნენ პერსონალისთვის ნიღბების შემცირებული მიწოდებით.
„ხალხმა უნდა შეწყვიტოს ნიღბების ყიდვა!“_ ეს პოსტი ტვიტერზე ამერიკის შეერთებული შტატების ქირუგმა, ჯერომ ადამსმა გააკეთა.
ჯანდაცვის მსოფლიო ორგანიზაციამ და აშშ-ს დაავადებათა კონტროლისა და პრევენციის ცეტრმა განაცხადეს, რომ ნიღბები მათ უნდა ატარონ, ვისაც ვირუსის სიმპტომები დაუდგინდა ან დაავადებულს უვლის.
თუმცა, ჯანდაცვის სფეროს ექსპერტების ნაწილი მიიჩნევს, რომ ეს შეცდომაა.
აზიაში ხელისუფლებები მოსახლეობას მოუწოდებენ საზოგადოებაში ნიღბები ატარონ, მიუხედავად იმისა, აქვთ თუ არა კორონავირუსის სიმპტომები.
ექსპერტები, რომლებიც საზოგადოებას ნიღბის ტარებას ურჩევენ, ამბობენ, რომ დაავადების გავრცელება საზოგადოებაზე ზომიერი იქნება. ბევრი შიშობს, რომ სამედიცინო ნიღბების შეძენა საავადმყოფოებში მწვავე დეფიციტს გამოიწვევს.
ჯანდაცვის ექსპერტების ნაწილი მიიჩნევს, რომ მთავრობების შეტყობინება ნიღბების ტარების შესახებ უნდა შეიცვალოს.
ბირმინგემის უნივერსიტეტის ჯადაცვის ექსერტი ამბობს, რომ „ნიღბით თავი არ უნდა დაიცვათ. ხალხი უნდა დაიცვათ თქვენი სასუნთქი გზებიდან გამოსული წვეთებიდან“.
ჩენგი და სხვა ექსერტები აღნიშნავენ, რომ ნიღბების ტარების მიუხედავად, ხალხმა უნდა დაიცვას დისტანცია და დარჩნენ სახლებში.
„არ მინდა შეგაშინოთ, მაგრამ არაა აუცილებელი დაცემინება ან დახველება, როდესაც ადამიანი ლაპარაკობს, სუნთქავს ან მღერის_ ეს წვეთები ვრცელდება“.
მიჩიგანის უნივერსიტეტის ეპიდემიოლოგის თქმით, კორონავირუსის ჰაერის გზით გადაცემა იშვიათია.
„ის ძირითადად ვრცელდება წვეთოვანი გზით. სამედიცინო ნიღბები შეზღუდავს გავრცელებას“.
სხვა ვირუსებზე ჩატარებული კვლევები არ ადასტურებს, რომ საზოგადოებაში ნიღბის კეთება ამცირებს ვირუსის გადაცემას, თუმცა, აღსანიშნავია, ისიც, რომ კვლევაში მონაწილე ადამიანების ნაწილს არ ეკეთა ისეთი ნიღაბი, როგორიც დაავალეს.
ჰონგ კონგის ეპიდემილოგის თქმით, ჯანდაცვის ოფიციალური პირებისგან მიღებული შეტყობინების საწინააღმდეგოდ, მოსალოდნელია, რომ ნიღაბმა ჯანმრთელი ადამიანი დაიცვას.
ქირურგიული ნიღბები, ასევე, N95 რესპირატორი წარმატებით გამოიყენება ჯანდაცვის მუშაკების დასაცავად, ასევე გაიმართა დებატები რომელი მათგანი უფრო შესაფერისია რესპირატოტული ინფექციის სხვადასხვა ტიპის პაციენტის მოსავლელად.
„ქირურგიული ნიღბები მნიშველოვანია ჯანდაცვის მუშაკებისთვის, მაგრამ არ არის სასარგებლო ფართო საზოგადოებისთვის“,_ ამბობს კოულინგი.
მისი თქმით, ნიღბები უკეთესად მუშაობს საავადმყოფოებში, რადგან ჯანდაცვის მუშაკებს უტარდებათ ტრენინგები, თუ როგორ ატარონ ნიღაბი და იღებენ უსაფრთხოების სხვა ზომებს.
„თუ საზოგადოებას ასწავლიან როგორ მოიხმარონ ნიღაბი სწორად, ამ შემთხვევაში ხალხში ყოფნისას გარკვეულწილად დაცულები იქნებიან“,_ ამბობს ის.
მაგრამ ყველაზე დიდი სარგებელი ნიღაბს მაშინ მოაქვს როცა, ის ჯანმრთელი ადამიანის კი არა, დაავადებული ადამიანის პირს ფარავს.
როგორც სტატიაშია აღნიშნული, შესაძლოა, ადამიანმა კორონავირუსი გადაიტანოს ისე, რომ არ იცოდეს ინფიცირების შესახებ.
მონაცემების მიხედვით, იმ ადამიანებზე დაკვირვების შედეგად ვისაც მეცნიერები აკვირდებიან, SARS-CoV-2-ის გადაცემის თითქმის ნახევარი ხდება იქამდე, ვიდრე ინფიცირებულ ადამიანს სიმპტომები გამოუვლინდება.
მთავარი ფაქტორი, რის გამოც მოუწოდებენ ნიღაბი არ ატარონ არის ნიღბების შეზღუდული მიწოდება. აღნიშნულ განცხადებას ოქსფორდის უნივერსიტეტის ეპიდემილოგი და სტატისტიკოსი, ფენგი აკეთებს.
მაქსტერის უნივერსიტეტის მიკრობიოლოგისა და ინფექციური დაავადების ექიმის მარკ ლოების თქმით, საზოგადოებრივი ჯანდაცვა არ გულისხმობს, რომ ხალხმა ნიღბები და N95 რესპირატორები შეიძინონ და ქუჩებში გამოვიდნენ.
სამედიცინო ნიღბების დეფიციტმა ბევრ ქვეყანაში ხელი შეუწყო ქსოვილის ნიღბების შექმნასა წარმოებას. CDC ამბობს, რომ ეს შეიძლება უკიდურესი ზომა იყოს, როცა სხვა დაცვა არ არის.
ჩენგი ელოდება, რომ ამერიკის შეერთებულ შტატებსა და ევროპაში ნიღბები კიდევ უფრო მნიშვნელოვანი გახდება, მას შემდეგ რაც COVID-19 პიკს მიაღწევს და სოციალური დისტანცირებაც დაიკარგება.
„გადატვირთულ მეტროში მგზავრობისას, თუ ყველას ეკეთება ნიღაბი, გადაცემის შანსი შემცირდება“.
