დღეს სელფის საერთაშორისო დღეა.
სელფი წარმოადგენს ავტოპორტრეტულ ფოტოსურათს, რომელიც ხელში მოთავსებული ციფრული ან მობილური ტელეფონის კამერით არის გადაღებული. ის ასახავს სოციალურ ქსელში ემოციებს, განწყობებს, განსაკუთრებულ და ყოველდღიურ აქტივობებს, რასაც ადამიანები ერთმანეთს უზიარებენ.
Samsung-ის გამოკითხვის მიხედვით, 18-24 წლის ასაკის პიროვნებების მიერ გადაღებული ფოტოსურათების 30%-ს სელფები შეადგენს.
ტერმინი სელფი ფოტოგრაფ ჯიმ კრაუსმა 2005 წელს განიხილა, თუმცა ფოტოსურათები სელფის ჟანრში ტერმინის გამოყენებამდეც გავრცელდა.
როგორც ცნობილია, პირველად სელფი ამერიკელმა ფოტოგრაფმა, რობერტ კორნელიუსმა გადაიღო 1839 წელს, ფოტოსურათს კი „პირველი ფოტოსურათი შუქზე“ უწოდა.
1900 წლიდან კი სელფი უფრო გავრცელდა. მის გადასაღებად ძირითადად სარკე და რამეზე დადებული კამერა გამოიყენებოდა.
ანასტასია რომანოვა, იმპერიული რუსეთის ბოლო მმართველის, ნიკოლოზ II-სა და ალექსანდრა ფეოდოროვნას მეოთხე ქალიშვილი, იყო ერთ-ერთი პირველი მოზარდი, რომელმაც 13 წლის ასაკში სარკეში გადაიღო სურათი და მეგობარს გაუგზავნა 1914 წელს.
ინტერნეტსივრცეში კი სელფების ატვირთვის ტრადიცია 2001 წლის სექტემბრიდან, ავსტრიული საიტის მეშვეობით დაიწყო.
2000-იანი წლების დასაწყისში, სელფების განსათავსებლად პოპულარული საიტი MYSpace იყო, თუმცა, ინტერნეტ სივრცეში Facebook-ის მიერ პოპულარობის მოპოვების შედეგად, MYSpace-ზე განთავსებული სელფი, რომელიც სააბაზანოს სარკის წინ გადაღებულ ფოტოს წარმოადგენდა, ყველაზე ცუდი გემოვნების მაჩვენებლად იქცა.
როგორც სოციოლოგი ბენ ეგერი მიიჩნევს, სელფები წარმოადგენს „მამაკაცურ ჟინს, რომელმაც ფენომენალური პოპულარულობა შეიძინა“, ხოლო სოციოლოგი გეილ დაინზი მას უკავშირებს პორნო კულტურის აღმასვლას და იდეას, რომ სექსუალური მიმზიდველობა არის ქალის წარმოჩენის ერთადერთი გზა.
ავტორ ენდრიუ კინის თქმით, მიუხედავად იმისა, რომ სელფების დანიშნულებაა ფოტოგრაფის მიერ საკუთარი თავის წარმოჩენის კონტროლი, საჯაროდ სურათების გამოქვეყნებას ან სხვებთან გაზიარებას შესაძლოა ჰქონდეს უკუეფექტი. მაგალითად, შურისძიების მიზეზით ხშირად ხდება ყოფილი შეყვარებულების სურათების გავრცელება პორნოგრაფიის სახით.
სხვადასხვა ფემინისტის აზრით, სელფი არის თვითგამოხატვის დამღუპველი ფორმა, რომელიც ასახავს რომელიმე პიროვნების სასურველობის ხედვას. სხვა პიროვნებასთან გაზიარებული პირადი სელფების ამოსაღებად შესაძლოა ეფექტური იყოს კანონი საავტორო უფლებებზე.
სიახლეების ბლოგი Jezebel სელფებს აკრიტიკებს, რადგან ისინი ზღუდავენ თვითგანმტკიცების საშუალებას.
ბლოგის მიერ გამოქვეყნებულ სტატიაში საუბარი ეხება იმას, რომ სელფები ასახავენ ქალების სხვების წინაშე წარმოჩენას, მნიშვნელოვანი კი ფიზიკური მიმზიდველობაა.
სტატიამ საერთაშორისო მედიის დიდი ყურადღება მიიპყრო. ავტორი მარია გიდო სელფების ფენომენს იცავდა. ის ამბობდა, რომ საკუთარი თავისთვის სურათების გადაღება და ამის მოწონება დასაშვებია. მისი თქმით, საზოგადოება და სარეკლამო საშუალებები ქალებს გმობენ, რომ „არ არიან საკმარისად კარგები, ლამაზები, გამხდრები“.
ბლოგმა გაავრცელა ჰეშტეგი #feministselfie, რასაც მოჰყვა ჯგუფი Flickr-ზე, სახელწოდებით #365feministselfie, სადაც ქალები ყოველდღე აქვეყნებენ სელფებს და იცავენ სილამაზის ახალ, უჩვეულო და ინდივიდუალურ სტანდარტებს.
ოქსფორდის ინგლისური ლექსიკონის მიხედვით, სიტყვა „სელფი“ 2013 წლის სიტყვად დასახელდა.
თუმცა, მე-20 საუკუნის ერთ-ერთი აღმოჩენა, რომელიც დღითიდღე პოპულარული ხდება, მიიჩნევენ, რომ სელფების გადაღების მზარდი ტენდენცია კავშირშია ფსიქიკურ ჯანმრთელობასთან.
2014 წლის აპრილში მამაკაცმა, თავის მოკვლა სცადა.
როგორც ცნობილი გახდა, ის დღეში 10 საათს სწორი სელფის გადაღების მცდელობას უთმობდა. წარუმატებლობის შემდეგ კი თავის მოკვლა გადაწყვიტა.
გამოყენებულია wikipedia-ს ინფორმაცია.
