ბიძინა ივანიშვილმა, საკუთარი ექვსთვიანი პოლიტიკურ მოღვაწეობას ანალიზი გაუკეთა და საზოგადოების ფართო აუდიტორიას გააცნო. მოქალაქეობასთან დაკავშირებით საჯარო რეესტრის მიერ გავრცელებულ განცადებას უაზრობა უწოდა და დასაწყისშივე განაცხადა, _ რეესტრის მიერ გაკეთებულ განცხადებაზე ანალიზს არ გავაკეთებ, შეფასებებს კი “ქართული ოცნების” იურისტებს ვანდობო.
პოლიტიკური მოღვაწეობის შეჯამების შემდეგ, კოალიციის ლიდერმა საკმაოდ მრავალმნიშვნელოვანი განცხადება გააკეთა: “21 აპრილს, მე, როგორც საქართველოს მოქალაქე, მივიღებ მონაწილეობას და დაფუძნებ ახალ პარტიას “ქართული ოცნება – დემოკრატიული საქართველო”. მოგვიანებით კოალიცია ბლოკად ჩამოყალიბდება და მისი სახელი იქნება “ივანიშვილი – ქართული ოცნება”. მე ვიქნები პრემიერ მინისტრობის კანდიდატი და ბლოკის ლიდერი”.
“გურია ნიუსის” კითხვაზე, _ “21 აპრილს როგორ მოახერხებთ დააფუძნოთ პარტია, როგორც საქართველოს მოქალაქემ, თუ საქართველოს მოქალაქე არ ხართ?!” _ კოალიციის ლიდერმა პასუხი არ გაგვცა.
იურისტმა არჩილ კბილაშვილმა იგივე კითხვას ასე უპასუხა: “დღეს არის 5 აპრილი. დღევანდელი მდგომარეობით საკითხი იმის შესახებ, იქნება თუ არა ბატონი ბიძინა ივანიშვილი საქართველოს მოქალაქე, არ არის გადაწყვეტილი. არსებობს იუსტიციის სამინისტროს სამოქალაქო რეესტრის სამოქალაქო დასკვნა, რომლითაც ეს ორგანო მიიჩნევს, რომ ბატონ ივანიშვილს არ უნდა მიენიჭოს საქართველოს მოქალაქეობა. ეს არის სამსახურებრივი დასკვნა -რეკომენდაცია საქართველოს პრეზიდენტისადმი, რომელსაც აქვს საბოლოო გადაწყვეტილების მიღების უფლება. გადაწყვეტილების დროს მას შეუძლია გაიზიაროს ან არ გაიზიაროს დასკვნა. ასე რომ, ჯერჯერობით, ამ საკითხთან დაკავშირებით, საბოლოო გადაწყვეტილება არ არის ცნობილი. რაც შეეხება განცხადებას 21 აპრილთან დაკავშირებით, ეს არის ჩვენი რწმენა იმის შესახებ, რომ ამ დროისთვის ბატონი ბიძინა ივანიშვილი იქნება საქართველოს მოქალაქე”.
რამდენად გაუმყარებს ამ რწმენას მიხეილ სააკშვილი, ჯერჯერობით არავინ იცი. ამ ეტაპზე ივანიშვილი იმაშია ღრმად დარწმუნებული, რომ პრეზიდენტმა უკანონოდ ჩამოართვა მოქალაქეობა: “საკაშვილმა აბსოლუტურად უკანონოდ ჩამომართვა მოქალაქეობა. მას არავითარი საბაბი და საფუძველი არ გააჩნდა. ჩემი აზრით, გუშინდელი გადაწყვეტილებით სკეპტიკოსებსაც გაეცათ პასუხი. გუშინდელი განცხადება იმდენად უსუსური იყო, ვისაც გააჩნდა ეჭვი იმის შესახებ, რომ მოქალაქეობის ჩამორთმევას კანონთან ჰქონდა რაღაც შეხება, ეს ილუზია უდა გაფანტოს. მოქალაქეობის ჩამორთმევა შიშით იყო გამოწვეული. ეს იყო პოლიტიკური გადაწყვეტილება, რომელიც ეფუძნებოდა მხოლოდ ერთი ადამიანის შიშზე მიღებულ გადაწყვეტილებას. ჩვენი სახელმწიფო ერთ კაცზეა აგებული და მის ხასიათზეა მორგებული.”
ბიძინა ივანიშვილმა მცირე მიმოხილვაც გააკეთა მოვლენებისა,რომელიც მისი პოლიტიკაში მოსვლის შემდეგ განვითარდა.
ბიძინა ივანიშვილი: “მოგეხსენებათ, როგორ მყისიერად და უკანონოდ ჩამომართვეს მოქალაქეობა. გახსოვთ, რაც მოხდა ბანკთან დაკავშირებით. მე მინდა გაჩვენოთ როგორ მუშაობს პროკურატურა და პოლიცია. მინდა საკუთარ მაგალითზე გაჩვენოთ სააკაშვილის ქმედება და როგორ განიცდიან სახელმწიფო სტრუქტურები ძალადობას ერთი პიროვნების მხრიდან. როგორ პირობებში მოხდა საინკასაციო მანქანის დაპატიმრება გაურკვეველი ხალხის მიერ. ნახევარი იყვნენ ნიღბებში, მეორე ნახევარი სამოქალაქო ფორმაში. მათ არ ჰქონდათ პოლიციის სახე. აქ უფრო დიდი ინტრიგა იყო ჩადებული. ინკასატორებისთვის ცეცხლი უნდა გაეხსნათ. საბედნიეროდ იარაღი არ გამოიყენეს. გახსოვთ, რა დღეში იყვნენ სახელისუფლებო არხები და მედია საშუალებები.
…ნახეთ, როგორ სწრაფად გამოიგონა ჩვენმა პარლამენტმა ახალი კანონი, რომელიც ისევ ერთი კაცის სურვილზე იყო აგებული. კანონი, რომელიც იდეაში ანგრევს საბანკო სისტემას. ამ კანონის განხორციელება მხოლოდ ერთ ბანკზე მოხდა, ჩემს კუთვნილ ბანკზე. მხოლოდ ერთი ბანკიდან კრიმინალური გზით მოახერხეს 200 მილიონის ამოღება. წაროიდგინეთ, როგორი ცინიკურია სააკაშვილი. ამას თავის დროზე მიეცემა შეფასებები, როდესაც ქვეყანაში სამართლიანობა აღდგება.
კოალიციის ლიდერის განცხადებით “გამჭირვალე პოლიციას” სააკაშვილი მართავს: “მხოლოდ ერთი კაცის ძალადობის ქვეშ არის დღეს პოლიციაც. უკვე მეექვსე თვეა ჩვენს განცხადებაზე პოლიცია ვერ ახერხებს რეაგირებას. ჩემს კუთვნილ შენობაში გაურკვეველი ხალხი შევიდა და იქედან გამოსვლას არ აპირებენ. აი, როგორი ძალადობის ქვეშ ამყოფებს სააკაშვილი ჩვენს პოლიციელებს”.
ივანიშვილის თქმით, მოსახლეობას არ აქვს საქართველოში სიმართალს პოვინის ილუზია: “სასამართლოს ცალკეულ გადაწყვეტილებებზე არ ვისაუბრებ. ჩემი პოლიტიკაში მოსვლის დღიდან უამრავი საქმე გვაქვს შეტანილი. რა თქმა უნდა, სასამართლო არცერთ გადაწყვეტილებას არ ღებულობს ჩვენს სასარგებლოდ. სასამართლო ახერხებს სასწრაფოდ მიიღოს გადაწყვეტილება საქმის იმ ნაწილზე, რომლითაც დაინტერესებულია კონტროლის პალატა და სააკაშვილი. სასამართლო გადაიქცა სახუმარო ინსტრუმენტად. მე მგონი საქართველოში არცერთ მოქალაქეს აქვს ილუზია, რომ საქართველოში შეიძლება მოინახოს სამართალი. ეს დაახლოებით იმას გავს, ჩემი სტუდენტობის დროინდელ ანეკდოტს შეგახსენებთ, _ მიტუა, შენ თუ ასე გაარძელე, შენ საკითხს პარტიის კრებაზე დავსვამთ! დასვამთ და იჯე რაო… ზუსტად ასეთია დღეს ჩვენი სასამართლო.”
თავისი პოლიტიკური მოღვაწეობის ანალიზის ფარგლებში ივანიშვილს არც ჟურნალისტების დატუქსვა გამორჩენია: “მედის აბოლუტური უმრავლესობა სააკაშვილის მხრიდან საშინელ ძალადობას განიცდის. რამდენი საინტერესო ახალგაზრდა სახეა მედიაში. თქვენ უნდა ზრუნავდეთ თქვენს მომავალზე. სააკაშვილის ძალადობის შედეგად კი თქვენ ახერხებთ თქვენი მომავალი საშინელებად აქციოთ.”
ივანიშვილის აზრით, სააკაშვილი შიშისა და სტრესის ქვეშ არის და სწორედ ამიტომ მიმართავს ძალადობას: “დღეს მე მინდა ხაზი გაუსვა რამდენად სწორი იყო ჩემი გადაწყვეტილება, როდესაც მე მქონდა ეჭვი, რომ სააკაშვილს მონოპოლიზირებული აქვს ხელისუფლება და ის უფსკრულისკენ მიაქანებს ჩვენს ქვეყანას. მე, რომელიც ვახერხებდი ჩემს გუნდთან ერთად ამის საჯაროობას არამარტო საქართველოში, არამედ მთელს მსოფლიოში. წარმოიდგინეთ, რამხელა შიშისა და სტრესების ქვეშ არის სააკაშვილი. მან მშვენივრად იცის რეიტინგებიც და საქართველოს მოსახლეობის განწობაც. მან მშვენივრად იცის, რომ არა აქვს არჩევანი და არა აქვს გზა არჩევნებში გაიმარჯვოს. მხოლოდ ამიტომ მიმართავს ძალადობას. წაროიდგინეთ, როგორ ახროციელებს ძალადობას ჩემზე და ჩვეულებრივ მოქალაქეს როგორ უჭირს ამ ძალადობის ატანა.”
მისი აზრით კონტროლის პალატა ძველი სტრუქტურაა, რომელიც პრეზიდენტმა ახლებურად მოარგო საკუთარ თავს: “ძველი სტრუქტურა ახლებურად მოირგო სააკაშვილმა და აქაც უდიდეს ძალადობას ახორციელებს კონტროლის პალატაზე. ასრულებინებს ფუნქციებს რომელიც არ შედის მათ ფუნქციებში 310 ადამიანი დაკითხა კონტროლის პალატამ 14 თანამშრომლით. გასაგებია 14 თანამშრომლი როგორ მოახერხა ეს. სააკაშვილი იმდენად შეშინებულია და აგონიაშია, რომ რამდენიმე დღით წინ გახედვასაც ვერ ახერხებს”.
კოალიციის ლიდერმა განაცხადა, რომ “21 აპრილს, მე როგორც საქართველოს მოქალაქე, დავაფუძნებ და მივიღებ მონაწილეობას დაფუძნებაში ახალი პარტიის “ქართული ოცნება – დემოკრატიული საქართველო”. მოგვიანებით კოალიცია ბლოკად ჩამოყალიბდება და მისი სახელი იქნება “ივანიშვილი – ქართული ოცნება”. მე ვიქნები პრემიერ- მინისტრის კანდიდატი და ბლოკის ლიდერი”.
