“პატიმრების ცემა და ვიდეოგადაღება მოხდა ადეიშვილის ბრძანებით”

პროკურატურის განცხადებით, 2012 წლის  სექტემბრის  დასაწყისში,    საქართველოს იუსტიციის იმდროინდელი მინისტრის ზურაბ ადეიშვილისათვის ცნობილი გახდა, რომ სასჯელაღსრულების დეპარტამენტის მე-8 დაწესებულების ყოფილმა თანამშრომელმა ვლადიმერ ბედუკაძემ, პატიმრების ცემისა და წამების ამსახველი კადრები გაიტანა ევროპის ერთ-ერთ ქვეყანაში, სადაც გეგმავდა მათ დემონსტრირებას ევროპელი უფლედამცველებისა და მედიის წინაშე.

მოსალოდნელი პოლიტიკური სკანდალის თავიდან აცილების მიზნით, ზურაბ ადეიშვილმა გადაწყვიტა დაესწრო მოვლენებისთვის და სასაჯელაღსრულების დეპარტამენტის იმჟამინდელ ხელმძღვანელთან, დავით ჭაკუასთან  ერთად  შეიმუშავა სპეციალური დანაშაულებრივი გეგმა, რომლის თანახმადაც #8 იზოლატორის თანამშრომლებს, კერძოდ კი, ვლადიმერ ბედუკაძესთან დაახლოებულ პირებს – ლევან ფხალაძეს და ბორის ფარულავას (მეტსახელად “ბასტის” და “ბუბუს”) ციხეში უნდა ეცემათ და ეწამებინათ პატიმრები, ყოველივე ამის ამსახველი კადრები კი, რომელსაც ფარულად ჩაიწერდნენ, საზოგადოებითვის იმ დროინდელი ოპოზიციური პოლიტიკური გაერთიანების  – “ქართული ოცნების” შეკვეთად წარედგინათ

გაგა მკურნალიძის ჩვენება

“ჭაკუამ დავით ხუჭუას უთხრა, რომ მოეყვანა ლევან ფურცხვანიძე.  მანაც დარეკა მობილური ტელეფონით და დავით ჭაკუას მოსვლამდე მოვიდა ლევან ფურცხვანიძე. დაახლოებით ამავდროულად დაბრუნდა დავით ჭაკუა. ჩვენ შევიკრიბეთ მის ოთახში მე, თვითონ დავით ხუჭუა, დავით ჭაკუა და ლევან ფურცხვანიძე და მან თქვა, რომ ძაან სერიოზულად იყო საქმე და გვქონდა სერიოზული პრობლემები. ადეიშვილი იყო გაგიჟებული და შესაძლოა ყველა ჩვენთაგანი, დაწესებულების სხვა თანამშრომლები და გლდანის #8 დაწესებულების თანამშრომლები დავეჭირეთ. დავით ჭაკუამ თქვა, რომ ვლადიმერ ბედუკაძის გადაღებული იყო პატიმართა წამების ვიდეოები და მასში სავარაუდოდ მონაწილეობა უნდა ჰქონოდა მიღებული გლდანის ციხის თანამშრომლებს “ბასტის“ და “ბუბუს“. ამიტომაც, კარგი იქნებოდა თუ პატიმრების ცემა მოხდებოდა მათი მონაწილეობით და ჩანაწერიც ბუნებრივი იქნებოდა. ცემა ისე უნდა მომხდარიყო, რომ ამის შესახებ ლევან ფხალაძეს და ბორის ფარულავას არაფერი ცოდნოდათ. ლევან ფურცხვანიძეს გლდანის ციხეში ერთ-ერთ კამერაში ფარული ვიდეოკამერით უნდა გადაეღო პატიმრების დამცირების და წამების კადრები. მათ უნდა ჩაეტარებინათ საკნის შემოწმება, გაეშიშვლებინა პატიმრები და უნდა ეხმარა შემდეგი სიტყვები: “დუბინკას გაგიკეთებ ტრაკში”, “სიგარეტს გაგიკეთებ ტრაკში”. ლევან ფურცხვანიძეს თავდაპირველად შეეშინდა, მაგრამ, როდესაც გაიგო, რომ ციხის ადმინისტრაციის სხვა თანამშრომლებიც შეიძლება დაეჭირათ, დასთანხმდა. ლევან ფურცხვანიძეს უთხრა დავით ჭაკუამ, რომ სამი თვე უნდა ჩაჯდე ციხეში და ეს შეთანხმებული იყო ზურაბ ადეიშვილითან, ამის შემდეგ, ლევან ფურცხვანიძეს ჩემთვის უცნობმა პირმა, რომელიც მოიყვანა დავით ჭაკუამ, უფრო სწორედ მისი დარეკვის შემდეგ მოვიდა, ჩააცვა მაისური, მგონი “სად”-ის მაიკა, რომელზეც ფარულად დამონტაჟებული იყო მინი ვიდეოკამერა. ამის შემდეგ დავით ხუჭუა, ლევან ფურცხვანიძე და ჩემთვის უცნობი მამაკაცი წავიდნენ გლდანის ციხეში. რამოდენიმე საათის გასვლის შემდეგ, უკვე იქნებოდა დილა, 10-11 საათი, დავით ჭაკუამ მითხრა, რომ დამერეკა შოთა ხიზანიშვილისთვის, რომელიც იყო შინაგან საქმეთა მინისტრის მოადგილე და ვიცნობდი პირადად, და ლევან ფურცხვანიძე მიმეყვანა მასთან. მე და ლევან ფურცხვანიძე შევხვდით ერთმანეთს შინაგან საქმეთა სამინისტროს ძველ შენობასთან, ორთაჭალაში და ავედით შოთა ხიზანიშვილთან. როგორც მახსოვს იქ ლევან ფურცხვანიძემ მისცა ინტერვიუ ან დაკითხეს და გადაიღეს ვიდეოზე, ზუსტად არ ვიცი. შემდეგ მე დავბრუნდი სამსახურში. ლევან ფურცხვანიძე ჩემთან ერთად წამოვიდა თუ დარჩა, ჩემთვის უცნობია”.

კითხვა: განუმარტეთ გამოძიებას, ვისი დავალებით მოხდა ლევან ფურცხვანიძის, ბორის ფარულავას და ლევან ფხალაძის მიერ პატიმრების ცემა და ვიდეოგადაღება?

პასუხი: მოგახსენებთ, რომ აღნიშნული მოხდა ზურაბ ადეიშვილის დავალებით. პირადად მე აღნიშნულზე როგორც გითხარით საუბრები მქონდა დავით ჭაკუასთან და დავით ჩხატარაშვილთან.

კითხვა: განუმარტეთ გამოძიებას, რა მიზანს ემსახურებოდა პატიმრების წამების ინსცენირებული ვიდეოგადაღების სატელევიზიო ეთერით ჩვენება და ვისი დავალება იყო ლევან ფურცხვანიძის მიერ ცრუ ინფორმაციის მიწოდება საზოგადოებისათვის?

პასუხი: მოგახსენებთ, რომ აღნიშნულით პატიმრების ცემის და წამების შემკვეთი  უნდა გამოსულიყო სხვა პიროვნება _ თამაზ თამაზაშვილი. ესეც და ყველაფერი ზემოხსენებული იყო ზურაბ ადეიშვილის დავალებით. აღნიშნული პირადად მითხრა დავით ჭაკუამ.