ხალხი ლაპარაკობს, რომ ხშირად უშვებენ სასამართლოდან საეჭვოდო. საეჭვოდ იმიტომ უშვებენ, რომ საეჭვოდ ხშირად იჭერენ.
კაკო ჩხაიძემ მოიტანა 7 მილიონი დოლარი, (საზოგადოებრივი მაუწყებლის ჟურნალისტმა შეუსწორა 10 მილიონი ლარიო. ავტ), ჯოხთაბერიძემ გადაიხადა. სხვათაშორის, მიუხედავად იმისა, რომ ჯოხთაბერიძეს არასდროს არ ვუყვარდი, ჩემი მთავრობის დროს გახდა ძალიან დიდი ბიზნესმენი და რამდენიმე ასეთი ადამიანი იყო კიდევ, ენერგეტიკის მამები, ენერგო მაფიის მამებ… მაშინ ეს ყველაფერი ასოცირებული იყო ნგრევასთან…” _ ასეთი განცხადება გააკეთა პრეზიდენტმა მიხეილ სააკაშვილმა გუშინ მხოლოდ ტელეჟურნალისტებისთვის გამართულ ბრიფინგზე…
როგორც ჩანს, სწორედ ეს გახდა მიზეზი იმისა, რომ “ფეისბუქის” საკუთარ გვერდზე ჩანაწერი გაეკეთებინა ბიზნესმენ გიორგი ისაკაძეს სახელწოდებით: “ერთი ბიზნესმენის ისტორია,” რომელსაც “გურია ნიუსი” უცვლელად გთავაზობთ.
ადრეულ ასაკში გავიცანი. მაშინ ვჟურნალისტობდი და რამდენჯერმე შეხვედრა მოვახერხე, ინტერვიუებიც ჩავწერე. როცა მის სიმამრთან ვმუშაობდი თანაშემწედ, თუ სხვადასხვა თანამდებობზე, რამდენჯერმე კონფლიქტი-შეკამათება მოგვივიდა ტელეფონით, შეხვედრებს გასაგები მიზეზების გამო უკვე თავს არიდებდა და ამას, ძალიან ვაფასებდი. ამ შეკამათებების გამო, პერიოდულად გვიწყდებოდა ურთიერთობა. ბოლოს, 2002–ში თუ 2003 წელს, მისივე ნაჩუქარ ნომერზე (დღემდე მეამაყება ეს ნომერი, ერთი ჩემი ნაცნობი მანქანასაც კი მიცვლიდა მასში) ვესაუბრე, კვლავ შევკამათდით სრულიად უმტკივნეულო თემაზე და მას მერე კონტაქტი-ურთიერთობა არც მქონია. აფხაზური ამპარტავნება და სიხისტე თანმდევია მისი ხასიათისა და მართვის სტილისაც, მაგრამ ეს შეკამათებები და კონფლიქტები, არასდროს გადადიოდა ზრდილობის ზღვარს, მიუხედავად იმისა, რომ ხასიათით არცერთი ვართ „საჩუქრები“.
“– ერთადერთი ბიზნესკომპანია, რომელიც სუფთა ამერიკული ინვესტიციებით დაარსდა გასულ საუკუნეში უმძიმეს პერიოდში ქართველ პარტნიორებთან ერთად.
– ერთადერთი კომპანია, რომელიც ყოველთვე (კანონი არ ავალდებულებდა) შევარდნაძის პერიოდში, აქვეყნებდა შენატანებს ბიუჯეტში, რომელიც არასდროს იყო ექვსნიშნა ციფრზე ნაკლები. სპეციალურად, სარეკლამო ფართს ყიდულობდა ამისთვის გაზეთებში.
– დაიჭირეს. მისი ნების გარეშე, ოჯახმა გადაიხადა ფული, რისთვისაც საჭირო გახდა, საკონტროლო პაკეტის დათმობა.
– გამოუშვეს. უკან ყიდულობს დათმობილი აქციებს პაკეტს,კვლავ ხდება უმსხვილესი აქციონერი და დაახლოებით 3 წელიწადში კომპანიის ბრუნვა 4 ჯერ იზრდება და ემსახურება თითქმის მილიონ აბონენტს.
– ერთადერთი ბიზნესმენია, რომელმაც გააპროტესტა, როგორც დაჭერა, ისე გამოშვება. ვისაც ამნეზია გჭირთ (ასეთები მრავლად ხართ) გახსენებთ მისი გამოშვებისას, ციხის კარზე ხელების ბრაგუნს და ყვირილით მოთხოვნას უკან შემიშვით, ან ამიხსენით რაზე დამიჭირეთ ან რაზე მიშვებთო…
– კომპანია გამოირჩეოდა გემოვნებიანი სარეკლამო რგოლებით. საქართველოს და მისი კუთხეების დიალექტს და კოლორიტს, უმაღლესი რეჟისორულ–შემოქმედებითი შესრულებით გადმოგვცემდა.
– ერთადერთი კომპანია, რომელზეც ვერავინ, მათ შორის, ვერცერთი სატელევიზიო არხი ვერ გაბედავს და დადებს ბრალს კონფორმიზმში. სადაც უნდოდა, როგორც უნდოდა, ვისთანაც უნდოდა ათავსებდა ამ მართლაც გამორჩეულ სარეკლამო რგოლებს – გვერდში ედგა ე.წ. “ოპოზიციურ არხებსაც” და ეს არ დაუწყია სხვებისგან განსხვავებით 2012 წლის 1 ოქტომბერს.
– არც მაშინ, არც ეხლა არ გამოირჩევა მედიასთან ურთიერთობით, ბიზნეს ასოცოციაციების შეხვედრებზე ან სხვა თავყრილობებზე პირადად არ ესწრება. თუმცა, მისი კომპანია, ყველა სოციალურად აქტუალურ თემებში და დისკუსიებშია ჩართული.
თუ, დღეს ეს კომპანია “ყვავის”, როგორც ამაზე გუშინ პრეზიდენტმა ისაუბრა, ეს ამ ადამიანის პირადი დამსახურებაა, რაც მან განვლილი ცხოვრებით დაამტკიცა. და არავისი სხვისი.მათ შორის არც სახელმწიფოსი. ის არცერთი პრეზიდენტის თუ ფორმაციის პირობებში არ ცდილობს ღიად გამოჩენას, თუმცა საქართველოში ფინანსურად ყველაზე გამჭირვალე და ძლიერ კომპანიას ფლობს-მართავს. საქმეში ჩახედულებმა, ან მისმა ნაცნობებმა იციან, რომ მძიმე ხასიათის და მართვის თავისებური სტილი აქვს. მაგრამ, ვერავინ უარყოფს ერთადერთს, რომ მისი პირადი, ყოველდღიური ჩარევით იმართებოდა და აგრძელებს მართვას კომპანიისას, რომელიც დღეს მინიმუმ მილიარდი დოლარი ღირს.
ასეთი კომპანიები საქართველოში ხელზე ჩამოსათვლელია. ადამიანებიც.
ორთავეს გაფრთხილება სჭირდება. სიტყვითაც და საქმითაც.
კომპანია “მაგთიკომი”, მისი დამფუძნებელი – გია ჯოხთაბერიძე.
